| e-texts navigator |
| Wylie |
98a1 ཡི་སྤྱོད་པ་མ་རྟོགས་པར།། སྐུ་གསུམ་སྟོན་པའི་འཁོར་ལ་གང་ཞེན་པས།། འཇིག་རྟེན་ལོག་པའི་ལྷ་སྤྱོད་ལ་འཆོལ་ནས།། བླང་དོར་མེད་པའི་སྤྱོད་པ་རྟོགས་མེད་བྱེད།། ཀྱེ་སྟོན་པའི་སྟོན་པ་ཀུན་བྱེད
98a2 རྒྱལ་པོ་ཡིས།། འཁོར་གྱི་ནང་དུ་སྤྱོད་པའི་ལུང་བསྟན་པ།། མ་ཆགས་བླང་དོར་མེད་པའི་སྤྱོད་པ་ཡིས།། ཐམས་ཅད་སྐྱེ་མེད་མཉམ་པར་རྟོགས་ལུང་བསྟན།། སེམས་དཔའ་རྡོ་རྗེས་འཁོར་ལ་ལུང་བསྟན
98a3 པས།། འཁོར་ཀྱང་བླང་དོར་མེད་པར་རྟོགས་པར་འགྱུར།། འཁོར་དང་མྱ་ངན་འདས་པའི་ཆོས་རྣམས་ནི།། སྐྱེ་བ་མེད་པ་ནམ་མཁའི་རང་བཞིན་ལྟར།། ང་དང་ཁྱོད་ཀྱིས་རྟོགས་པ་ཇི་ལྟ་བར།། ཁྱོད་ཀྱིས་འཁོར་གྱི
98a4 ནང་དུ་ལུང་སྟོན་ཅིག། སྔ་བར་ལུང་བསྟན་ཐོས་པ་ལ་བརྟེན་ནས།། རྟོགས་པས་ཀུན་བྱེད་ཉིད་ལ་གནས་པར་འགྱུར།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྤྱོད་པ་བླང་དོར་མེད་པར་རྟོགས
98a5 པའི་ལེའུ་སྟེ་དྲུག་ཅུ་དྲུག་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཡེ་ཤེས་རང་ལ་སྒྲིབ་པ་མེད་པར་རྟོགས་པ་འདི་གསུངས་སོ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ངས།། ཇི་ལྟར
98a6 འདུལ་བའི་ཐབས་སུ་བསྟན་པའི་ཕྱིར།། ང་ལས་བྱུང་བའི་སྟོན་པ་སྐུ་གསུམ་གྱིས།། སྒྲིབ་པ་བསལ་ཞིང་ཡེ་ཤེས་བསྒྲུབ་པར་རྟོགས།། སྐུ་གསུམ་སྟོན་པས་འཁོར་ལ་དེ་ལྟར་བསྟན།། འཁོར་གྱིས་གོ་ཞིང་རྟོགས་པ་དེ
iiif viewer powered by OpenSeadragon
