| e-texts navigator |
| Wylie |
96b1 བའི་གང་ཟག་ལ།། ས་ཡི་རྣམ་གྲངས་བཅུ་དང་དྲུག་ཏུ་བསྟན།། བསྟན་པ་དེ་བཞིན་འཁོར་གྱིས་དེ་ལྟར་རྟོགས།། རྣམ་རྟོག་བློ་ཡི་གྲངས་ལ་སྣང་བར་ཟད།། ཀྱེ་ས་དྲུག་གྲངས་ཀྱི་རང་བཞིན་བསྟན་པ་ནི།། ཀུན་ཏུ་འོད
96b2 དང་རྡོ་རྗེ་འཛིན་པ་དང་།། རྡོ་རྗེ་འཆང་དང་སྟུག་པོ་བཀོད་པ་དང་།། པདྨ་སྤྱན་དང་རྡོ་རྗེ་སེམས་དཔའི་ས།། རིམ་བགྲོད་རྣལ་འབྱོར་དོན་དུ་གསུངས་པ་སྟེ།། ལྷ་དང་ཏིང་འཛིན་ཁྱད་པར་རེ་རེ་གསུངས།། ཀྱེ་སྟོན་པ
96b3 ཀུན་བྱེད་རྒྱལ་པོས་བསྟན་པ།། ཇི་ལྟར་སྣང་བའི་ཆོས་རྣམས་མ་ལུས་པ།། སྐྱེ་མེད་ཆོས་ཀྱི་དབྱིངས་སུ་གཅིག་པའི་ཕྱིར།། ས་ཡི་ཁྱད་པར་མེད་དེ་གཅིག་ཏུ་རྟོགས།། ཀུན་བྱེད་ང་ཡི་ས་ལ་མ་སྦྱར་ན།། རྟོག་པའི་ས་ཡི།
96b4 རྣམ་གྲངས་ཀུན་ཐོབ་ཀྱང་།། སོ་སོ་རང་གི་རྣམ་རྟོག་སྣང་བ་ལས།། ཀུན་བྱེད་ང་དང་ཕྲད་པར་ལུང་མི་སྟོན།། ཀྱེ་ཀུན་བྱེད་རྒྱལ་པོ་ས་ཡི་རང་བཞིན་ནི།། མ་བཅོས་མ་སྦྱངས་རིག་པས་ལྷུན་རྫོགས་ས།། སྦྱངས་ཤིང
96b5 བགྲོད་ཀྱང་དོན་དང་མི་ཕྲད་ཀྱི།། རང་བཞིན་རྟོགས་པས་དུས་གཅིག་རྫོགས་པར་བྱེད།། ཀྱེ་ཐེག་གཅིག་ཀུན་བྱེད་བྱང་ཆུབ་སེམས་ཀྱིས།། སྐྱེ་མེད་ཁྱབ་པས་རྟོགས་པའི་རང་བཞིན་ནི།། གང་ལྟར་བགྲོད་པ་ནམ
96b6 མཁའི་མཐའ་ཚོལ་འདྲ།། མ་བགྲོད་རང་བཞིན་བཞག་པས་གྲོལ་བར་སྟོན།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ང་།། ས་ཡི་ངོ་བོར་ང་ཉིད་ཤར་བའི་ཕྱིར།། ང་ཡི་ས་ལ་མཐོ་དམན་རིམ་པ་མེད།། ཀུན་བྱེད་ང
iiif viewer powered by OpenSeadragon
