| e-texts navigator |
| Wylie |
96a1 རྟོགས་ནས་ཀྱང་།། ཁྱོད་ཀྱིས་འཁོར་གྱི་ནང་དུ་ལུང་སྟོན་ཅིག། ད་ལྟར་ང་ཡི་རང་བཞིན་ལུང་བསྟན་པས།། ཀུན་ཀྱང་ང་ཡི་རང་བཞིན་ཉིད་རྟོགས་འགྱུར།། འཇིག་རྟེན་མཚན་མའི་ལམ་ལ་ཞེན་མི
96a2 འགྱུར།། རྣམ་གྲངས་ཚིག་གི་ལམ་ལ་རྩོད་མི་འགྱུར།། མ་བཅོས་བདེར་བཞག་རྟོགས་པས་ཕ་རོལ་ཕྱིན།། ཀུན་གྱི་སྙིང་པོའི་ལམ་དང་ཕྲད་པར་འགྱུར།། ཀྱེ་ང་ནི་ཀུན་བྱེད་ཆོས་ཀྱི་གཞི་མ་སྟེ།། ལམ་ལྔ་ས་བཅུར་སྟོན
96a3 པའི་སྐུ་གསུང་ཡང་།། ང་ཡི་རང་བཞིན་མངོན་དུ་བསྟན་པ་ཡིན།། དེ་ལྟར་ཁྱོད་ཀྱིས་ལེགས་པར་རྟོགས་པར་གྱིས།། མ་བཅོས་བགྲོད་མེད་ཀུན་བྱེད་ཀུན་གྱི་ལམ།། སུ་ཞིག་བགྲོད་པས་བྱང་ཆུབ་དོན་མི་རྟོགས།། ཀུན
96a4 བྱེད་ང་ཡི་རང་བཞིན་རྟོགས་མི་འགྱུར།། དེ་བས་བགྲོད་དུ་མེད་པའི་དོན་ལ་རྟོགས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལམ་ལ་བགྲོད་དུ་མེད་པར་རྟོགས་པའི་ལེའུ་སྟེ་དྲུག་ཅུ་བཞི
96a5 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ས་ལ་སྦྱང་དུ་མེད་པར་རྟོགས་པ་འདི་གསུངས་སོ།། ཀྱེ་སེམས་དཔའ་རྡོ་རྗེ་དོན་འདི་ལེགས་པར་རྟོགས།། སྟོན་པའི་སྟོན་པ་ཀུན་བྱེད་རྒྱལ་པོ
96a6 ཡིས།། ས་ལ་སྦྱང་དུ་མེད་པར་བསྟན་པ་ནི།། ཀུན་གྱི་ཡུལ་མིན་བརྟག་པར་རབ་ཏུ་དཀའ།། ཀྱེ་ང་ལས་བྱུང་བའི་སྟོན་པ་སྐུ་གསུམ་གྱིས།། དམན་པའི་རིམ་པ་བགྲོད་ཅིང་སྦྱངས་པའི་ཕྱིར།། རྣམ་རྟོག་གྲངས་ལ་དགའ
iiif viewer powered by OpenSeadragon
