| e-texts navigator |
| Wylie |
95b1 ཆུང་བརྒྱུད་ནས་དོན་ལ་འདྲེན་པའི་ཕྱིར།། དྲང་བའི་ལུང་དུ་ང་ཡིས་རྟོགས་པ་ཡིན།། ཀྱེ་ཚོགས་དང་སྦྱོར་ལམ་མཐོང་ལམ་བསྒོམ་པའི་ལམ།། མཐར་ཕྱིན་རིམ་པ་བསྐལ་པ་བརྒྱ་ཕྲག་དང་།། ཚེ་གསུམ་བདུན་སོགས
95b2 དུས་དེར་འགྲུབ་པར་རྟོགས།། དེ་ཡིས་ང་ཡི་ལམ་འདི་རྟོགས་མི་འགྱུར།། ཀྱེ་ཀུན་བྱེད་རྒྱལ་པོ་ང་ཡི་ལམ་བཤད་པ།། ང་ཉིད་སྐྱེ་བ་མེད་པའི་རང་བཞིན་ལ།། འཇུག་དང་མི་འཇུག་ཚིག་ལས་ཤིན་ཏུ་འདས།། དེ་ཕྱིར
95b3 ལམ་ལ་བགྲོད་དུ་མེད་པར་རྟོགས།། ལམ་ལྔར་སྣང་བ་རྣམ་རྟོག་མཚན་མའི་གྲངས།། ང་ཉིད་མཚན་མའི་ཡུལ་ལས་འདས་པའི་ཕྱིར།། མཚན་མའི་ལམ་གྱིས་བགྲོད་དུ་མེད་པར་རྟོགས།། ཀྱེ་ཀུན་བྱེད་ང་ཡི་ལམ་ལ
95b4 རིམ་མེད་དེ།། སྐྱེ་མེད་ཐིག་ལེ་ཆེན་པོར་གཅིག་པའི་ཕྱིར།། གཅིག་གི་རང་བཞིན་རྟོགས་པ་དེ་ཡི་ཕྱིར།། ལམ་ལ་བགྲོད་མེད་གཅིག་ཏུ་རྟོགས་པ་ཡིན།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ང་།། ང་ལ་འཇུག་པའི
95b5 རིམ་པའི་ལམ་མེད་དེ།། རང་འབྱུང་ཡེ་ཤེས་དུས་གཅིག་རྫོགས་པའི་ཕྱིར།། མ་འགྲོད་རང་བཞིན་བཞག་པས་ཕྱིན་པར་འགྱུར།། དེ་ཕྱིར་སེམས་དཔའ་རྡོ་རྗེ་ཁྱོད་ཉིད་ཀྱིས།། ང་ལ་རིམ་པར་བགྲོད་པར་མ་བྱེད
95b6 ཅིག། ཀྱེ་ང་ནི་མཐའ་བྲལ་ནམ་མཁའི་རང་བཞིན་ཏེ།། ནམ་མཁའི་མཐའ་ལ་བགྲོད་ཅིང་ཚི་ཆད་ལྟར།། ང་ཡི་རང་བཞིན་ལམ་གྱིས་བགྲོད་འདོད་པ།། ཚེ་ཚད་ནང་དུ་དེ་ལས་ཆེ་བ་མེད།། དེ་ཕྱིར་སེམས་དཔའ་རྡོ་རྗེ
iiif viewer powered by OpenSeadragon
