| e-texts navigator |
| Wylie |
95a1 ཕྱིར།། ཀུན་བྱེད་ང་ཡི་རང་བཞིན་རྟོགས་པ་མེད།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ངས།། འཁོར་གྱི་དང་པོ་སྐུ་གསུམ་སྟོན་པ་ལས།། རང་བཞིན་མ་བཅོས་ཇི་བཞིན་ལུང་ཕོག་པ།། མཚན་མའི
95a2 འཇིག་རྟེན་ལྷ་ལ་རྟེན་མི་འཆའ།། ཚོགས་ལ་མི་རྟེན་དབང་ལ་རག་མ་ལུས།། སྐྱེ་མེད་རིག་པའི་དབང་ལ་ཀུན་རྫོགས་པས།། མ་བཙལ་བདེ་བར་བཞག་པས་དོན་ཀུན་རྫོགས།། ཀྱེ་ང་ནི་སྟོན་པ་ཀུན་བྱེད་རྒྱལ་པོ
95a3 སྟེ།། སྐུ་གསུམ་སྟོན་པ་ང་ཡིས་བཀོད་པ་ཡིན།། དེས་བསྟན་བཅོས་ཀྱང་ང་ཡིས་བཀོད་པ་ཡིན།། རང་ཉིད་རང་ལ་དགོད་པ་བྱ་མི་དགོས།། ཀྱེ་དེ་ལྟར་ཀུན་བྱེད་རང་བཞིན་གང་རྟོགས་པས།། ཐམས་ཅད་ཀུན་བྱེད
95a4 རང་བཞིན་དེ་རྟོགས་པས།། ཀུན་བྱེད་ང་ཡི་རང་བཞིན་རྟོགས་གྱིས་ལ།། མཚན་འཛིན་ཞེན་པའི་དབང་ལ་མ་རྟེན་ཅིག། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རང་འབྱུང་རྟོགས་པའི་དབང
95a5 གི་ལེའུ་སྟེ་དྲུག་ཅུ་གསུམ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱས་པོས་ལམ་ལ་བགྲོད་དུ་མེད་པར་རྟོགས་པ་འདི་གསུངས་སོ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡི།། རང་བཞིན་མ་སྐྱེས
95a6 གཅིག་ཏུ་གནས་པ་ལ།། སྐྱེ་མེད་མངོན་དུ་རྟོགས་པར་དཀའ་བའི་ཕྱིར།། འཁོར་གྱི་དང་པོ་སྟོན་པ་སྐུ་གསུམ་གྱིས།། རང་རང་དགའ་བའི་ལམ་ལ་གཟུད་པའི་ཕྱིར།། ལམ་གྱི་ཁྱད་པར་བགྲོད་དུ་ཡོད་པར་བསྟན།། བློ
iiif viewer powered by OpenSeadragon
