| e-texts navigator |
| Wylie |
94a1 ཤེས་ལྔ་ཡི་དཀྱིལ་འཁོར་ནི།། རྟོགས་དང་མ་རྟོགས་དོན་ལ་རག་ལུས་པས།། བསྐྱེད་དང་མི་བསྐྱེད་གཉིས་སུ་མཐོང་བ་ཡིན།། དམ་པ་རྟོགས་ན་བསྐྱེད་དང་མི་བསྐྱེད་མེད།། དེ་ཕྱིར་སེམས་དཔའ་རྡོ་རྗེ
94a2 ཁྱོད་ཀྱིས་ཀྱང་།། སྒྲ་ལ་མ་གནས་དོན་ཉིད་རྟོགས་པར་གྱིས།། གང་གིས་དེ་ལ་རྟོགས་པ་སྐྱེས་མ་ཟག། ཀུན་བྱེད་རྒྱལ་པོ་དོན་ལ་འབྱོར་བར་འགྱུར།། ཀྱེ་རྒྱལ་བ་མ་ལུས་འདུས་པའི་སྙིང་པོ་སྟེ།། རང་བཞིན་ཁྱབ་པར
94a3 གནས་པའི་དཀྱིལ་འཁོར་འདི།། མ་སྐྱེས་རང་བཞིན་གནས་པའི་དོན་འདི་ལ།། རྟོགས་པ་ཅི་བདེར་མནོས་ལ་མ་རྩོལ་ཅིག། ཀྱེ་རྒྱལ་བ་ཀུན་གྱི་རང་བཞིན་ཀུན་བྱེད་ངས།། དཀྱིལ་འཁོར་བསྐྱེད་དུ་མེད་པར་དོན
94a4 རྟོགས་པས།། དེ་ཡི་རང་བཞིན་སྒྲ་ཐོས་མ་ཡིན་པར།། སེམས་དཔའ་རྡོ་རྗེ་ཁྱོད་ཀྱིས་རྟོགས་པར་གྱིས།། ཀྱེ་ཀུན་བྱེད་རྒྱལ་པོ་ཆགས་སྡང་རྣམ་པ་ལྔ།། སྐྱེ་མེད་བྱང་ཆུབ་སེམས་སུ་བསྟན་པ་ལྟར།། སེམས་དཔའ་རྡོ་རྗེ
94a5 ཁྱོད་ཀྱིས་རྟོགས་ནས་ཀྱང་།། དེ་བཞིན་འཁོར་ལ་ཁྱོད་ཀྱིས་ལུང་སྟོན་ཅིག། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་དཀྱིལ་འཁོར་བསྐྱེད་དུ་མེད་པར་རྟོགས་པའི་ལེའུ་སྟེ་དྲུག་ཅུ་གཉིས
94a6 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་དབང་ལ་བསྐུར་དུ་མེད་པར་རྟོགས་པ་འདི་གསུངས་སོ།། ཀྱེ་སེམས་དཔའ་རྡོ་རྗེ་དོན་འདི་ངེས་རྟོགས་ཤིག། ང་ནི་སྟོན་པ་ཀུན་བྱེད་རྒྱལ་པོ
iiif viewer powered by OpenSeadragon
