| e-texts navigator |
| Wylie |
93a1 ལས་བྱུང་བའི་སྟོན་པ་སྐུ་གསུམ་གྱིས།། ཞི་རྒྱས་དབང་དང་དྲག་པོའི་ལུང་བསྟན་པ།། རྣམ་རྟོག་མཚན་མ་གྲངས་ལ་དགའ་བ་ལ།། འདུལ་བའི་རྟོག་པ་གྲངས་སུ་བསྟན་པ་ཡིན།། ཀྱེ་དེ་ཕྱིར་ཀུན་བྱེད་པ
93a2 ཡིས་ལུང་བསྟན་པ།། ཐོས་པའི་དོན་ལ་མ་ནོར་བརྟག་པར་བྱོས།། བྱ་རྩོལ་ཀུན་དང་བྲལ་བའི་ཕྲིན་ལས་ཀྱིས།། མ་བྱས་དོན་ཀུན་རྫོགས་པས་རྟོགས་པ་འཆར།། ཀྱེ་སེམས་དཔའ་རྡོ་རྗེ་དོན་འདི་ལེགས་པར
93a3 རྟོགས།། སྙིང་པོ་བྱ་རྩོལ་མེད་པའི་དོན་རྟོགས་པས།། བྱ་དང་མི་བྱ་མེད་པར་དོན་རྫོགས་པས།། ཀུན་བྱེད་རྒྱལ་པོའི་ཕྲིན་ལས་འདི་རྟོགས་ཤིག། ཀྱེ་སྟོན་པའི་རྒྱལ་པོ་ཀུན་བྱེད་ང་ཡིས་ནི།། བྱས་པ་ཐམས་ཅད་མཚན
93a4 མའི་ལམ་དུ་བསྟན།། བྱ་བྲལ་ཕྲིན་ལས་ངེས་དོན་འདི་རྟོགས་པས།། འགྲོ་བ་ཀུན་བྱེད་རྒྱལ་པོ་ཉིད་དུ་འགྱུར།། སྙིང་པོ་བྱ་བྲལ་སྒོ་གསུམ་མ་ནོར་བས།། བྱ་རྩོལ་འདས་པའི་དོན་ལ་རྟོགས་པ་ནི།། དུས་གསུམ་རྒྱལ
93a5 བའི་དགོངས་པ་གཅིག་པའི་ཕྱིར།། མ་ནོར་ལམ་ལ་རྟོགས་པ་ཉིད་མཆོག་ཡིན།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྒོ་གསུམ་བྱ་བ་མེད་པར་རྟོགས་པའི་ལེའུ་སྟེ་དྲུག་ཅུ་གཅིག
93a6 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་དཀྱིལ་འཁོར་བསྐྱེད་དུ་མེད་པར་རྟོགས་པ་འདི་གསུངས་སོ།། ཀྱེ་སེམས་དཔའ་རྡོ་རྗེ་དོན་འདི་ད་རྟོགས་ཤིག། ང་ལས་བྱུང་བའི་སྟོན་པ་སྐུ་གསུམ
iiif viewer powered by OpenSeadragon
