| e-texts navigator |
| Wylie |
91a1 འཁོར་གྱི་དང་པོ་སེམས་དཔའ་རྡོ་རྗེ་ལ།། སྐུ་གསུམ་སྟོན་པ་གསུམ་གྱིས་བཤད་པའི་ལུང་།། དེ་ལ་མ་གནས་ཤིག་པར་ང་ལུང་སྟོན།། དེ་ལྟར་ངེས་པའི་ལུང་འདི་མ་བསྟན་ན།། དུས་གསུམ་རྒྱལ་བ་ཀུན
91a2 གྱི་ཡང་མེས་པོ།། ཀུན་བྱེད་རྒྱལ་པོ་ང་ཡི་གདུང་ཆད་ནས།། ཀུན་ཀྱང་འཁོར་བའི་ལམ་ལ་གཞོལ་བར་འགྱུར།། ཀྱེ་དེ་ཕྱིར་སེམས་དཔའ་རྡོ་རྗེ་ཁྱོད་ཀྱིས་ཀྱང་།། ལྷ་དང་མི་བལྟ་ཡུལ་ལས་འདས་པ་ལ།། གང་བལྟས
91a3 དོན་ལ་རྣམ་རྟོག་མཆེད་པའི་ཕྱིར།། རྒྱུ་འབྲས་ཅན་གྱི་ལྟ་བ་ཁྱོད་མ་རྟོགས།། ཤིན་ཏུ་རྣལ་འབྱོར་མི་གནས་ཐེག་པ་ལ།། བལྟས་ཤིང་བརྟགས་པས་མཐོང་བའི་དོན་འགག་པས།། མ་བཅོས་སྙིང་པོ་ཀུན་བྱེད་རང
91a4 བཞིན་ལ།། བལྟས་པས་མཐོང་བ་མེད་པའི་དོན་དུ་རྟོགས།། ཀྱེ་ཀུན་བྱེད་རྒྱལ་པོ་བྱང་ཆུབ་སེམས་པ་ནི།། ཆོས་རྣམས་ཀུན་གྱི་བལྟ་བའི་མེ་ལོང་སྟེ།། གསལ་ལ་རང་བཞིན་མེད་པར་ཀུན་འཆར་བས།། མ་བལྟས་རང
91a5 བཞིན་གསལ་བར་ལུང་བསྟན་ཏོ།། མ་སྐྱེས་དེ་བཞིན་ཉིད་ཀྱི་ཡུལ་ཉིད་ལ།། བལྟ་བའི་ཡུལ་མེད་མཐོང་བ་ཆེན་པོར་རྟོགས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྐྱེ་བ་མེད་པའི་ལེའུ་སྟེ་ང
91a6 དགུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་དམ་ཚིག་བསྲུང་དུ་མེད་པར་རྟོགས་པ་འདི་གསུངས་སོ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་འདི།། ང་ལས་བྱུང་བའི་སྟོན་པ་སྐུ་གསུམ
iiif viewer powered by OpenSeadragon
