| e-texts navigator |
| Wylie |
90b1 ལ།། ལྷ་དང་བལྟ་བར་བྱེད་པ་ཡོད་མ་ཡིན།། གང་ལ་ལྟར་མེད་སྙིང་པོ་གང་རྟོགས་པ།། ཀུན་བྱེད་ང་ཡི་རང་བཞིན་རྟོགས་པ་ཡིན།། ཀྱེ་ཇི་ལྟར་སྣང་བའི་ཆོས་རྣམས་མ་ལུས་ཀུན།། ཀུན་བྱེད་སྐྱེ་བ་མེད་པར་ཀུན
90b2 གནས་པ།། སུ་ཞིག་སྙིང་པོའི་དོན་ལ་རྟོགས་འདོད་པས།། ཀུན་བྱེད་ང་ཡི་རང་བཞིན་རྟོགས་པར་གྱིས།། ཀྱེ་ཀུན་བྱེད་ང་ཡི་རང་བཞིན་མ་རྟོགས་པར།། སོ་སོར་བསྟན་པའི་ལུང་དང་ཡིད་འཐད་ཅིང་།། སྐུ་གསུམ
90b3 སྟོན་པའི་དོན་ལ་གང་འཇུག་པ།། ཀུན་བྱེད་ང་ཡི་དོན་དང་ཤིན་ཏུ་འགལ།། ཀྱེ་སྟོན་པ་ཀུན་བྱེད་པ་ཉིད་མ་གཏོགས་པར།། ལྟ་བའི་རང་བཞིན་ཀུན་མཁྱེན་སྐྱེ་མེད་འདི།། འདས་དང་ད་ལྟར་མ་འོངས་སངས
90b4 རྒྱས་ཀྱིས།། མ་རྟོགས་མི་རྟོགས་རྟོགས་པར་ལུང་མི་སྟོན།། མ་སྐྱེས་སྐྱེ་བ་མེད་པའི་སངས་རྒྱས་ཀྱང་།། ཀུན་བྱེད་ང་ཡི་ལུང་དང་ཕྲད་ནས་ནི།། དེས་ཀྱང་ལྟ་བ་སྐྱེ་མེད་རབ་ཏུ་རྟོགས།། སངས་རྒྱས་ཀུན་གྱི་ངོ་བོར་བྱིན
90b5 གྱིས་བརླབས།། ཀྱེ་ཀུན་བྱེད་རྒྱལ་པོ་སྟོན་པའི་ལུང་མེད་ན།། དུས་གསུམ་སངས་རྒྱས་ཁམས་གསུམ་སེམས་ཅན་དང་།། མ་སྐྱེས་ལམ་ལ་ལྟ་བའི་རྣལ་འབྱོར་དང་།། ལ་དགུ་ལུང་དགུ་རྒལ་ཡང་ས་བཅུ་ཡིས།། རང
90b6 རང་དངོས་པོའི་དོན་ལ་རྟོག་དཔྱོད་པས།། མ་སྐྱེས་སྙིང་པོའི་དོན་ལ་སྒྲིབ་པའི་ཕྱིར།། རྒྱུ་འབྲས་བྲལ་བའི་བྱང་ཆུབ་སྙིང་པོ་འདི།། ཀུན་གྱི་ལྟ་བའི་དོན་འདི་རྟོགས་པ་མེད།། ཀྱེ་དེ་བས་སྟོན་པ་ཀུན་བྱེད་ང་ཡིས་ཀྱང་།།
iiif viewer powered by OpenSeadragon
