| e-texts navigator |
| Wylie |
90a1 འགྱུར།། རང་བཞིན་བཅུ་ཡི་དོན་ལ་རྨོངས་པ་ཡིས།། བསྒོམ་དུ་མེད་པའི་ལུང་བཅུ་ཇི་ལྟར་རྟོགས།། ཀྱེ་ང་ཡིས་ཆོས་རྣམས་ཇི་ལྟར་བསྟན་པ་ལྟར།། སེམས་དཔའ་རྡོ་རྗེ་ཁྱོད་ཀྱིས་རྟོགས་པར་བྱོས།།
90a2 ཡི་རང་བཞིན་སྐྱེ་མེད་རྟོགས་པ་ལྟར།། ཀུན་གྱི་རང་བཞིན་སྐྱེ་མེད་རྟོགས་པར་གྱིས།། སྟོན་པ་གསུམ་ཡང་སྐྱེ་བ་མེད་པར་རྟོགས།། བསྟན་པ་གསུམ་ཡང་སྐྱེ་བ་མེད་པར་རྟོགས།། འཁོར་གནས་དུས་ཀྱང་སྐྱེ་བ་མེད
90a3 པར་རྟོགས། དུས་གསུམ་སངས་རྒྱས་སྐྱེ་བ་མེད་པར་རྟོགས།། རྒྱུད་དྲུག་སེམས་ཅན་སྐྱེ་བ་མེད་པར་རྟོགས།། ས་ཆུ་མེ་རླུང་ནམ་མཁའ་ལྔ་པོ་ཡང་།། སྐྱེ་བ་མེད་པའི་ངང་དུ་རབ་ཏུ་རྟོགས། ཁམས་གསུམ་སྲིད་གསུམ
90a4 སྐྱེ་བ་མེད་པར་རྟོགས།། འདོད་ལྔ་ཡུལ་ལྔ་སྐྱེ་བ་མེད་པར་རྟོགས། དེས་ན་ཆོས་ཀུན་བྱང་ཆུབ་སེམས་ཉིད་དེ།། བྱང་ཆུབ་སེམས་ནི་ཀུན་བྱེད་རྒྱལ་པོ་ཉིད།། ཀུན་བྱེད་རྒྱལ་པོ་སྐྱེ་བ་མེད་པར་རྟོགས།། ཆོས་ཀུན་རྩ་བ
90a5 ཀུན་བྱེད་པ་ཉིད་དེ།། ང་ཉིད་མ་སྐྱེས་དབྱིངས་སུ་རྟོགས་པས་ན།། ཀུན་ཀྱང་སྐྱེ་མེད་དབྱིངས་སུ་རྟོགས་པར་འགྱུར།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རྟོགས་པ་གླེང་གཞིའི་ལེའུ་སྟེང
90a6 བརྒྱད་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ལྟ་བ་བསྒོམ་དུ་མེད་པ་རྟོགས་པ་འདི་གསུངས་སོ།། ཀྱེ་སེམས་དཔའ་རྡོ་རྗེ་ལེགས་པར་ད་རྟོགས་ཤིག། ཆོས་རྣམས་ཀུན་གྱི་རྩ་བ་ཀུན་བྱེད
iiif viewer powered by OpenSeadragon
