| e-texts navigator |
| Wylie |
8b1 རྫོགས་པ་ཆེན་པོ་དེ་བསྟན་པའི་ཚིག་གསུངས་སོ།། ཀྱེ་སེམས་དཔའ་རྡོ་རྗེ་ཚིག་འདི་ཉོན།། ཀུན་བྱེད་རྒྱལ་པོ་ང་ཡིས་ནི།། ང་ཡི་ཆོས་རྣམས་དང་པོར་བཀོད།། ང་ཡི་ཆོས་རྣམས་མངོན་དུ་ཕྱུང་།། ང་ཡི་ངོ་བོ་ཁྱོད་ལ
8b2 བསྟན།། ང་ཡི་རང་བཞིན་བསྟན་ནས་ནི།། ཚིག་དང་སྒྲས་ཀྱང་དོན་མཚོན་ནས།། ངོ་བོ་བསྟན་པས་ཁྱོད་ཀྱིས་མཐོང་།། རང་བཞིན་བསྟན་པས་ཨ་དེ་རིག། ཚིག་ཏུ་བརྗོད་པས་དོན་སྒྲར་ཐོས།། ཞེས་གསུངས
8b3 ནས།། ཅང་མི་གསུང་བར་ཆོས་ཐམས་ཅད་ཀྱི་ངོ་བོར་བཞུགས་སོ།། སེམས་དཔའ་རྡོ་རྗེ་འཁོར་གྱི་ནང་ནས་ལངས་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོའི་ཞལ་དུ་མདངས་ཕྱུང་སྟེ་འཁོད་པས་ཀུན་བྱེད་རྒྱལ
8b4 པོས། ཀྱེ་སེམས་དཔའ་ཆེན་པོ་ཁྱོད་ང་ལ་མདངས་ཀྱིས་འཁོད་པ་དེ་ཁྱོད་ཀྱིས་དོན་ཅི་འདོད་པ་གསོལ་ཅིག། ཅེས་གསུངས་སོ།། དེ་ནས་སེམས་དཔའ་རྡོ་རྗེ་ཞུས་པ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ
8b5 ལགས།། ཆོས་རྣམས་ཐམས་ཅད་ཁྱོད་ཀྱི་རང་བཞིན་ན། ཁྱོད་ཀྱི་སྟོན་པ་བསྟན་པ་འཁོར་བཀོད་ཅི་ཞིག་ལགས།། ཕུན་སུམ་ཚོགས་པའི་དགོས་པ་ཅི་ཞིག་ལགས།། ཞེས་ཞུས་སོ།། དེ་ནས་བྱང་ཆུབ་ཀྱི་སེམས་ཀུན
8b6 བྱེད་རྒྱལ་པོས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ཆོས་རྣམས་ཕུན་སུམ་ཚོགས་པར་བཀོད་པ་ནི།། ང་ཉིད་ཕུན་སུམ་ཚོགས་པའི་རང་བཞིན་ཏེ།། ང་ཡི་རང་བཞིན་ཁྱོད་ལ་བསྟན་པར
iiif viewer powered by OpenSeadragon
