| e-texts navigator |
| Wylie |
8a1 ཏེ།། གནས་ནི་ཆོས་ཉིད་དབྱིངས་ལ་གནས།། གསལ་ནི་རིག་པ་མཁའ་ལ་གསལ།། ཁྱབ་ནི་སྣོད་བཅུད་ཀུན་ལ་ཁྱབ།། བྱུང་ནི་སྣང་སྲིད་ཀུན་དུ་བྱུང་།། བསྟན་དུ་མཚན་མའི་དངོས་པོ་མེད།། མཐོང་དུ
8a2 དམིགས་པའི་ཡུལ་དང་བྲལ།། ཤེས་སུ་ཚིག་ཏུ་བརྗོད་དུ་མེད།། རྒྱུ་ལས་མ་བྱུང་སྙིང་པོ་འདི།། སྒྲོས་ཀྱིས་བཏགས་པ་ཀུན་དང་བྲལ།། དོན་འདི་ངེས་པར་རྟོགས་འདོད་ན།། དཔེ་ནི་ནམ་མཁའ་ལྟ་བུར་བརྟག། དོན་ནི
8a3 ཆོས་ཉིད་སྐྱེ་བ་མེད།། རྟགས་ནི་སེམས་ཉིད་འགག་པ་མེད།། ནམ་མཁའ་ལྟ་བུའི་ཆོས་ཉིད་ལ།། ནམ་མཁའ་ལྟ་བུའི་དཔེ་ཡིས་མཚོན།། དམིགས་སུ་མེད་པའི་ཆོས་ཉིད་ལ།། དམིགས་སུ་མེད་པར་མཚོན་ཏེ
8a4 བསྟན།། ཚིག་ཏུ་བརྗོད་དུ་མེད་པ་ལ།། བརྗོད་དུ་མེད་པའི་ཚིག་བརྗོད་དེ།། དམིགས་མེད་དོན་གྱི་ངོ་བོར་བསྟན།། བསྡུས་ཏེ་བསྟན་པའི་དོན་འདི་ནི།། དོན་གྱི་ངོ་བོ་འགྲེལ་པ་སྟེ།། འདི་ཡིས་ང་དོན་རྟོགས་པར
8a5 གྱིས།། འདི་ཡིས་ང་དོན་རྟོགས་པར་བྱེད།། འདི་ཡིས་ང་དོན་མ་རྟོགས་ན།། དོན་གྱི་སྒྲ་ཚིག་ཅི་བསྟན་ཀྱང་།། ང་དང་ཕྲད་པར་མི་འགྱུར་ཏེ།། ང་ལས་གོལ་ལ་ང་བསྒྲིབས་པས།། ཆོས་ཀྱི་སྙིང་པོ་མཐོང་མི
8a6 འགྱུར།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་དོན་གྱི་འགྲེལ་པའི་ལེའུ་སྟེ་ལྔ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཉིད་ཀྱི་རང་བཞིན་ལ
iiif viewer powered by OpenSeadragon
