| e-texts navigator |
| Wylie |
89b1 ཞེས་བྱ་བའི་རྒྱུད་ཕྱི་མ་འདི་གསུངས་སོ།། ཀྱེ་སེམས་དཔའ་རྡོ་རྗེ་དོན་འདི་ལེགས་པར་ཉོན།། སྟོན་པའི་སྟོན་པ་ཀུན་བྱེད་རྒྱལ་པོ་ཡི།། ང་ལས་བྱུང་བའི་སྟོན་པ་སྐུ་གསུམ་གྱིས།། སོ་སོར་འདུལ་བའི་དོན་དུ་གང
89b2 གསུངས་པ།། སྟོན་པ་རེ་དང་གནས་དང་འཁོར་དག་དང་།། བསྟན་པ་སྡུད་པ་སོ་སོར་གནས་པར་རྟོགས།། ཀུན་བྱེད་ང་ཡི་རང་བཞིན་རྟོགས་པ་མིན།། ཀྱེ་ཀུན་བྱེད་ང་ཡི་རྟོགས་ཚུལ་བསྟན་པ་ནི།། ང་ཉིད་སྐྱེ་བ་མེད
89b3 པའི་རང་བཞིན་ཏེ།། དེ་ལས་བྱུང་བའི་ཆོས་ནི་ཐམས་ཅད་ཀུན།། རང་འབྱུང་སྐྱེ་བ་མེད་པའི་དབྱིངས་སུ་རྟོགས།། ཀྱེ་སེམས་དཔའ་ཆེན་པོ་ལེགས་པར་ད་ཉོན་ཅིག། ང་ཉིད་སྐྱེ་བ་མེད་པར་ངས་རྟོགས་པས།། སྟོན་པ
89b4 གསུམ་ཡང་སྐྱེ་བ་མེད་པར་རྟོགས།། བསྟན་པ་གསུམ་ཡང་སྐྱེ་བ་མེད་པར་རྟོགས།། འཁོར་གནས་དུས་ཀྱང་སྐྱེ་བ་མེད་པར་རྟོགས།། འདས་པའི་སངས་རྒྱས་སྐྱེ་བ་མེད་པར་རྟོགས།། ད་ལྟར་བྱུང་བའི་སངས་རྒྱས
89b5 བཞུགས་པ་ཡང་།། སྐྱེ་བ་མེད་པ་ཉིད་དུ་རབ་ཏུ་རྟོགས།། མ་བྱོན་སླད་ཀྱིས་འབྱུང་བའི་སངས་རྒྱས་ཀྱང་།། སྐྱེ་བ་མེད་པ་ཉིད་དུ་རབ་ཏུ་རྟོགས།། ཀྱེ་སྟོན་པ་ཀུན་བྱེད་ཉིད་ཀྱིས་རྟོགས་པ་ལྟར།། སེམས་དཔའ་རྡོ་རྗེ
89b6 ཁྱོད་ཀྱིས་རྟོགས་པར་གྱིས།། སེམས་དཔའ་རྡོ་རྗེས་དེ་ལྟར་མ་རྟོགས་ན།། ཀུན་བྱེད་ང་ཡི་རང་བཞིན་རྟོགས་མི་འགྱུར།། ང་ཡི་རང་བཞིན་ཁྱོད་ཀྱིས་མ་རྟོགས་ན།། སྙིང་པོའི་རང་བཞིན་བཅུ་དག་རྟོགས་མི
iiif viewer powered by OpenSeadragon
