| e-texts navigator |
| Wylie |
89a1 མིང་བཏགས་ནས།། སེམས་ཀྱིས་སངས་རྒྱས་འབྲས་བུར་སྒྲུབ།། འདི་ནི་ང་ཡི་བསྟན་པ་མིན།། ཀུན་བྱེད་ང་ཡི་རང་བཞིན་ནི།། རྒྱུ་དང་འབྲས་བུ་གཉིས་ལས་འདས།། སེམས་ཅན་སངས་རྒྱས་གཉིས
89a2 མེད་པས།། སངས་རྒྱས་སེམས་ཀྱིས་སྒྲུབ་མ་བྱེད།། ཀུན་བྱེད་རྒྱལ་པོ་པ་ཉིད་ནི།། སེམས་ཉིད་རང་འབྱུང་ཡེ་ཤེས་སོ།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོའི་མདོ་ལས་བསྟན་པ་གཏད་པའི
89a3 ལེའུ་སྟེ་ལྔ་བཅུ་རྩ་བདུན་པའོ།། །། བྱང་ཆུབ་ཀྱི་སེམས་ཀུན་བྱེད་རྒྱལ་པོ་རྫོགས་སོ།། ། རྒྱ་གར་གྱི་མཁས་པ་ཤྲཱི་སིཾ་ཧ་པྲ་བྷཱ་དང་།། བོད་ཀྱི་ལོ་ཙཱ་བ་པ་གོར་བེ་རོ་ཙ་ནས་བསྐུར་ཅིང་ཞུས་ཏེ་གཏན་ལ
89a4 ཕབ་པ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་རང་འབྱུང་ཡེ་ཤེས་སྐྱེ་བ་མེད་པར་རྟོགས་ནས་ཅང་མི་གསུང་བར་བཞུགས་སོ།། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་ཞུས་སོ།། ཀྱེ་སྟོན
89a5 འི་སྟོན་པ་ཀུན་བྱེད་རྒྱལ་པོ་ལགས།། ལེགས་པར་གསུངས་པའི་མདོ་དག་མཐར་ཕྱིན་ནས།། སྟོན་པ་གསུམ་པོ་ཉིད་ཀྱིས་ཇི་ལྟར་རྟོགས།། བསྟན་པ་གསུམ་པོ་ཉིད་ཀྱིས་ཇི་ལྟར་རྟོགས།། འཁོར་གནས་དུས་ཀྱི་རང
89a6 བཞིན་ཇི་ལྟར་རྟོགས།། ཉིད་ཀྱིས་ཇི་ལྟར་རྟོགས་པའི་དགོངས་པའི་དོན།། བདག་ཅག་རྣམས་ལ་ལེགས་པར་བསྟན་དུ་གསོལ།། ཞེས་ཞུས་སོ།། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་རྟོགས་པ་བཤད་པ
iiif viewer powered by OpenSeadragon
