| e-texts navigator |
| Wylie |
88b1 བཞིན་རྟོགས་པའི་སྒོ་ནས་བསྒྲགས་པའི་ལེའུ་སྟེ་ང་དྲུག་པའོ།། ། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སེམས་དཔའ་རྡོ་རྗེ་ལ་བསྟན་པ་གཏད་པའི་ལེའུ་འདི་གསུངས་སོ།། ཀྱེ་སེམས
88b2 དཔའ་རྡོ་རྗེ་འདི་ཟུང་ཞིག་ཁྱོད་ནི་རང་འབྱུང་ཡེ་ཤེས་ཏེ། ཁྱོད་ནི་ང་ཡིས་སྙིང་པོ་འབྱུང་།། ང་ཡི་རང་བཞིན་འདི་ཟུང་ཤིག། ང་ཡི་རང་བཞིན་རྣམ་གསུམ་ལས།། སྐུ་གསུམ་སྟོན་པ་བྱུང་བ་ཡང་།། དེ་ཡི་རང་བཞིན
88b3 ཁྱོད་ཀྱིས་ཟུང་།། དེ་ཡི་བསྟན་པ་རྣམ་གསུམ་ཡང་།། བསྟན་པ་སྨྲ་བའི་སེང་གེ་གྱིས།། དུས་གནས་འཁོར་ལ་སོགས་པ་ཡང་།། ཉིད་ཀྱིས་བྱས་པར་ལུང་སྟོན་ཅིག། ཀུན་བྱེད་ང་ཡི་རང་བཞིན་ནམ།། ཀུན་བྱེད་ང་ཡི།
88b4 མཚན་བཤད་བཞིན།། ཁྱོད་ཀྱིས་ང་ཡི་རང་བཞིན་ཟུང་།། ང་ནི་ཀུན་གྱི་རང་བཞིན་ཡིན།། སངས་རྒྱས་མེས་པོ་ང་ཡིན་གྱིས།། སངས་རྒྱས་ཀུན་གྱི་མེས་པོ་གྱིས།། ཀུན་བྱེད་རྒྱལ་པོ་ང་ཉིད་ནི།། སྐུ་གསུམ་སྟོན་པའི་ཕ
88b5 ཡིན་གྱིས།། ཁྱོད་ཀྱིས་སྐུ་གསུམ་ཕ་མ་གྱིས།། དུས་གསུམ་སངས་རྒྱས་མེས་པོ་གྱིས།། སེམས་ཅན་ཀུན་གྱི་ཡང་མེས་པོ།། སྨྲ་བའི་སེང་གེ་སྨྲ་བའི་ཚེ།། ཇི་ལྟར་སྣང་བའི་ཆོས་རྣམས་ཀུན།། སེམས་དཔའ་ཆེན་པོ་ཉིད
88b6 དང་ནི།། ཀུན་བྱེད་རྒྱལ་པོ་ང་ལས་ནི།། གཞན་ཡིན་སྨྲ་བར་མ་བྱེད་ཅིག། སྐུ་གསུམ་བསྟན་པའི་ནང་ནས་ནི།། རྒྱུ་དང་འབྲས་བུ་རྣམ་གཉིས་ལས།། རྒྱུ་ལ་བསྒྲུབས་ནས་འབྲས་བུར་འདོད།། སེམས་ཅན་སངས་རྒྱས
iiif viewer powered by OpenSeadragon
