| e-texts navigator |
| Wylie |
87b1 གནས་པ་དེ་ཡིས་ཐོབ།། མ་ནོར་ངེས་པར་རང་སེམས་དེ་ཐོབ་པས།། མ་བཙལ་ལྷུན་གྱིས་གྲུབ་པའི་ཡོན་ཏན་ནི།། སེམས་བསྐྱེད་མི་དགོས་ལམ་ལ་བགྲོད་མི་དགོས།། ས་ལ་མི་སྦྱོང་ལྟ་བ་བསྒོམ་མི་དགོས།། སྡོམ་པ
87b2 ཚུལ་ཁྲིམས་དམ་དུ་གཉེར་མི་དགོས།། ཀྱེ་སེམས་དཔའ་ཆེན་པོ་ལུང་སྟོན་ཅིག། འཇིག་རྟེན་མཚན་མའི་ཆོས་འདི་བསྒྲུབ་པ་བཞིན།། ལུས་ཀྱི་ལས་སུ་བྱ་བྱེད་ལྷ་མི་སྒོམ།། ངག་གི་ལས་སུ་སྔགས་དང་ཚིག་མི
87b3 བརྗོད།། ཡིད་ཀྱི་ལས་སུ་ཏིང་འཛིན་གསལ་མི་སྒོམ།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཐམས་ཅད་བྱང་ཆུབ་ཀྱི་སེམས་ལས་མེད་པའི་ལེའུ་སྟེ་ང་ལྔ་པའོ།། ། དེ་ནས
87b4 སེམས་དཔའ་རྡོ་རྗེ་དེས།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེ་ཆོས་ཐམས་ཅད་ཀྱི་ངོ་བོ་དང་བྱེད་པ་པོ་ཡིན་པར་ཉིད་ཀྱི་འཁོར་ཐམས་ཅད་ལ་ཚིག་བསྒྲགས་པ་དང་རྟོགས་པ་ཕུལ་བ་འདི་བསྒྲགས་སོ།། ཀྱེ་སྟོན
87b5 པའི་སྟོན་པ་ཀུན་བྱེད་རྒྱལ་པོ་ལགས།། བདག་གིས་ཁྱོད་ཀྱི་རང་བཞིན་རྟོགས་པ་ནི།། ཆོས་རྣམས་ཐམས་ཅད་ཁྱོད་ཀྱི་རང་བཞིན་གཅིག། ཆོས་ཉིད་ཆོས་ཀྱི་དབྱིངས་ཀྱི་ཕོ་བྲང་དེ།། ཀུན་བྱེད་རྒྱལ་པོ་ཡིན་པར་རབ
87b6 ཏུ་གྲགས།། ནམ་མཁའི་ཁམས་ཀྱི་གཞལ་ཡས་ཁང་འདི་ཡང་།། ཀུན་བྱེད་རྒྱལ་པོ་ཡིན་པར་རབ་ཏུ་གྲགས།། སྐྱེ་མེད་ཆོས་ཀྱི་སྐུ་ཡི་སྟོན་པ་ཡང་།། ཀུན་བྱེད་རྒྱལ་པོ་ཡིན་པར་རབ་ཏུ་གྲགས།། འདོད་སྤྱོད་ལོངས་སྤྱོད
iiif viewer powered by OpenSeadragon
