| e-texts navigator |
| Wylie |
87a1 སྒོར་ཞུགས་ནས།། བྱང་ཆུབ་ཡན་ལག་ཀུན་གྱི་སྒོར་ཞུགས་ནས།། ཆོ་ག་རྫོགས་པའི་ཏིང་འཛིན་རིམ་པ་ཡིས།། རང་འབྱུང་ཡེ་ཤེས་ཚེ་བདུན་བར་དུ་སྤངས།། ཐབས་དང་ཤེས་རབ་གཉིས་མེད་སྒོར
87a2 ཞུགས་ནས།། སྐྱེ་མེད་ཤེས་རབ་ཐབས་ཀྱིས་བསྐྱོད་འགྱུར་ནས།། སྣང་ལ་རང་བཞིན་མེད་པར་རང་བསྒོམས་ནས།། ཆོ་ག་ལྔ་དང་ཡོ་བྱད་ཡན་ལག་དང་།། དམ་ཚིག་ཚུལ་དང་རབ་ཏུ་བརྩོན་འགྱུར་ན།། རིག་འཛིན
87a3 ས་སྟེ་ལོ་སྟོང་དྲུག་བརྒྱ་རུ།། ལོངས་སྐུ་འདོད་པའི་ཏིང་འཛིན་ཡེངས་མེད་བྱེད།། ལོངས་སྐུ་ཐོབ་ནས་རང་སེམས་བཟོད་ཚོལ་ལྷ། སྟོང་ཕྲག་གཅིག་ན་མི་རྟོག་མཉམ་བཟོད་རྙེད།། ཀྱེ་སེམས་དཔའ་ཆེན་པོ་རྡོ་རྗེ་ཁྱོད
87a4 ཉིད་ཀྱང་།། ང་ལུང་མ་ནོར་ཁྱོད་ཀྱིས་ད་སྟོན་ཅིག། ཀྱེ་སེམས་ཅན་ལྷ་མི་རྣམས་ནི་ཤེས་པ་རྩིང་།། དབང་པོ་ཡུལ་ལ་ཡེངས་པའི་རང་བཞིན་གྱིས།། སེམས་ཅན་མི་ཤེས་གང་བསྟན་ཚིམ་པ་ལ།། མ་ནོར་ངེས་པའི་ལུང
87a5 ཆེན་མ་བསྟན་པར།། རྒྱུ་འབྲས་དྲང་ལུང་དོན་དམ་ཀུན་རྫོབ་བསྟན།། བདེན་བརྫུན་གཉིས་ཀྱིས་ཤེས་པ་དེ་ཚིམ་ནས།། བསྐལ་པ་ཡུན་རིང་བདེན་བརྫུན་གཉིས་ལ་གནས།། དེ་བས་དང་པོར་རང་སེམས་མ་ནོར
87a6 བསྟན།། བསྟན་པས་མ་ནོར་བཙལ་མེད་ལམ་ཕྲད་ནས།། ད་ལྟ་ཉིད་ནས་མི་རྩོལ་ས་ལ་གནས།། བཙལ་དུ་མེད་པའི་ལམ་དང་དེ་ཕྲད་འགྱུར།། ཏིང་འཛིན་བསྒོམ་མི་དགོས་དང་དེ་ཕྲད་འགྱུར།། མི་རྩོལ་བདེ་ལ
iiif viewer powered by OpenSeadragon
