| e-texts navigator |
| Wylie |
86b1 སེམས་ཀྱི་རང་བཞིན་རྣམ་གསུམ་ཡིན།། སེམས་ཉིད་ཡེ་ཤེས་མ་འགགས་འདོད་ཁམས་སྣང་།། སེམས་ཉིད་ངོ་བོ་སྣང་བ་གཟུགས་ཀྱི་ཁམས།། སེམས་ཀྱི་རང་བཞིན་མ་སྐྱེས་གཟུགས་མེད་ཁམས།། རང་བཞིན་མ
86b2 སྐྱེས་སྤྲོས་བྲལ་ཆོས་ཀྱི་སྐུ།། སེམས་ཉིད་ཉིད་ལ་ཉིད་སྤྱོད་ལོངས་སྤྱོད་རྫོགས།། སེམས་ལས་སེམས་སྦྲུལ་སེམས་ཀྱི་དོན་མཛད་སྤྲུལ།། དམྱལ་བ་ལ་སོགས་འགྲོ་བ་རིས་དྲུག་གི། ཚ་གྲངས་བཀྲེས་སྐོམ་བླུན་ལྐུགས
86b3 ལྟུང་འགྱུར་རྣམས།། མི་རྟོག་མཉམ་པས་ཇི་བཞིན་ཆོས་ཉིད་གྲོལ།། རང་འབྱུང་ཡེ་ཤེས་ཡུལ་ལ་མི་རྟོག་པས།། ལས་ཀྱི་བག་ཆགས་སྐྱོན་ཡོན་ཀུན་དང་བྲལ།། ཡོན་ཏན་མི་ལེན་སྐྱོན་རྣམས་མི་དོར་བས།། བདེ་བ་མི
86b4 བ་སྡུག་བསྔལ་སྤང་དུ་མེད།། ཇི་བཞིན་པ་ལ་ཡེ་ནས་གཡོས་པ་མེད།། དེ་བཞིན་བསྒྱུར་བས་འགྱུར་བའི་ཆོས་གང་མེད།། འདོད་པས་ལེན་པས་ཐོབ་པའི་ཆོས་ཀྱང་མེད། ཆོས་རྣམས་རང་བཞིན་འབྱུང་བའི་མཚན
86b5 ཉིད་ནི།། སེམས་ལས་རང་འབྱུང་ཡེ་ཤེས་འབྱུང་བ་འདྲ།། འདྲ་ཞེས་མིང་བཏགས་རང་འབྱུང་ཡེ་ཤེས་ཡིན།། རང་འབྱུང་ཡེ་ཤེས་ཆོས་ཉིད་ཡུལ་གཅིག་ལ།། ཆོས་གཞན་མཐོང་ནས་ཡེ་ཤེས་དེ་སྤོང་བྱེད།། རང་འབྱུང
86b6 ཡེ་ཤེས་དེ་དང་ཕྲད་མི་འགྱུར།། སྤོང་འགེགས་ཡུལ་ཅན་དག་ལ་མིང་མི་གྲག། དོན་དམ་ཀུན་རྫོབ་བདེན་པ་རྣམ་གཉིས་ཀྱིས།། སྦྱངས་ཀྱང་བསྐལ་བ་གསུམ་གྱི་བར་དུ་ཐོགས།། དག་གསུམ་སྤྱོད་དང་མཚན་མེད
iiif viewer powered by OpenSeadragon
