| e-texts navigator |
| Wylie |
86a1 དེ།། རྒྱུ་རྐྱེན་མེད་པར་ལྷུན་གྱིས་གྲུབ་པའི་ཕྱིར།། ཕྲིན་ལས་བཙལ་ཞིང་བྱ་བྱེད་བྱ་མི་དགོས།། མ་བཙལ་ལྡན་གྱིས་གྲུབ་པར་ཡིད་ཀྱང་ཆེས།། རང་འབྱུང་ཡེ་ཤེས་གཅིག་གི་རྔ་བོ་དེ།། རང་འབྱུང
86a2 ཤེས་ཡེ་ནས་མ་བསྒྲིབས་པས།། ཇི་ལྟར་སྣང་བའི་ཆོས་རྣམས་ཐམས་ཅད་གསལ།། ཆོས་རྣམས་ཐམས་ཅད་གཏན་ལ་འབེབས་པའི་ཕྱིར།། སྟོན་པའི་སྒྲོན་མ་ཡིན་པར་ཡིད་ཀྱང་ཆེས།། ཞེས་གསུངས་སོ།། བྱང་ཆུབ
86a3 ཀྱི་སེམས་ཀུན་བྱེད་རྒྱལ་པོ་ལས་མདོ་ལུང་ཐམས་ཅད་ཀུན་བྱེད་ཉིད་ཀྱི་རང་བཞིན་དུ་བསྡུས་ནས་བསྟན་པའི་ལེའུ་སྟེ་ང་བཞི་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད
86a4 བྱང་ཆུབ་སེམས་ལས་གཞན་མེད་པའི་མདོ་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ཇི་ལྟར་སྣང་སྲིད་སྣོད་བཅུད་བསྡུས་པ་དང་།། དོན་དང་ཚིག་ཏུ་བརྗོད་པ་ཐམས་ཅད་ཀུན།། བྱང་ཆུབ་སེམས་ཡིན
86a5 པ་ནི་འདི་ལྟ་སྟེ།། ཆོས་ཀྱི་དབྱིངས་དང་ནམ་མཁའི་ཁམས་འདི་ཡང་།། མ་སྤྲོས་མ་བསྒྲིབས་པ་ཡི་བྱང་ཆུབ་སེམས།། འདི་ལས་གཞན་ཡིན་བདག་གིས་གསུངས་པ་མེད།། ནམ་མཁའ་རླུང་ཆུས་མེ་སྣང་བ
86a6 ཡང་།། བྱང་ཆུབ་སེམས་ཀྱི་ངོ་བོ་བསྟན་པ་ཡིན།། འདོད་ཁམས་གཟུགས་ཁམས་གཟུགས་མེད་ཁམས་གསུམ་ཡང་།། བྱང་ཆུབ་སེམས་ཀྱི་ངོ་བོ་གསུམ་སྣང་ཡིན།། དེ་སྟོན་པ་ཡི་སྟོན་པ་སྐུ་གསུམ་ཡང་།། བྱང་ཆུབ
iiif viewer powered by OpenSeadragon
