| e-texts navigator |
| Wylie |
85b1 ནང་ན་རྒྱུད་དྲུག་བཅུད།། གནས་པས་སྣོད་བཅུད་ཅེས་སུ་བཏགས་པ་ཡིན།། ཀུན་བྱེད་བྱ་བ་ལྷག་མ་མ་ལུས་པ།། བསྡུས་པས་ཀུན་བྱེད་རྒྱལ་པོའི་རང་བཞིན་ལྔར།། མདོ་ལུང་ལྔ་བཅུ་རྩ་བདུན་བྱུང་ནས
85b2 བསྡུས།། ཀུན་བྱེད་རང་བཞིན་ལྔ་རུ་འདུས་པར་བསྟན།། སྙིང་པོ་མངོན་དུ་འབྱིན་པའི་རང་བཞིན་དང་།། མ་ནོར་ངེས་པར་སྟོན་པའི་རང་བཞིན་དང་།། རང་འབྱུང་རྒྱུ་འབྲས་འདས་པའི་རང་བཞིན་དང་།། བྱ་བྱེད
85b3 རྩོལ་སྒྲུབ་འདས་པའི་རང་བཞིན་དང་།། མཐུན་པར་གཏན་ལ་འབེབས་པའི་རང་བཞིན་དང་ལྔའོ་ཞེས་གསུངས་སོ།། ཀྱེ་སྟོན་པ་ཀུན་བྱེད་རྒྱལ་པོ་ལགས།། སེམས་དཔའ་རྡོ་རྗེ་བདག་གི་རིག་པ་ཡིས།། ཀུན་བྱེད་རང
85b4 འབྱུང་ཡེ་ཤེས་གཅིག་ངོ་ལ།། དགོས་པ་ཕུན་སུམ་ཚོགས་པ་ལྔ་བྱུང་སྟེ།། རང་འབྱུང་ཡེ་ཤེས་ཆོས་ཀྱི་སྙིང་པོ་ལས།། སྣང་ཞིང་སྲིད་པའི་ཆོས་རྣམས་ཐམས་ཅད་ཀུན།། མི་སྣང་བ་ལ་མངོན་དུ་འབྱིན་ནུས་པས།། ཆོས
85b5 ཀྱི་སྙིང་པོ་ཡིན་པར་ཡིད་ཀྱང་ཆེས།། རང་འབྱུང་ཡེ་ཤེས་གཅིག་གི་ངོ་བོ་དེ།། དོན་དམ་ཀུན་རྫོབ་བདེན་བརྫུན་གཉིས་མེད་པར།། མ་ནོར་ངེས་པའི་བྱང་ཆུབ་སེམས་སྟོན་པས།། ཐེ་ཚོམ་སོམ་ཉི་མེད་པར་ཡིད་ཀྱང
85b6 ཆེས།། རང་འབྱུང་ཡེ་ཤེས་གཅིག་གི་ངོ་བོ་དེ།། རྒྱུ་ལ་མི་བརྟེན་རྐྱེན་ལ་མི་སྒྲུབ་པས།། གཞན་ལ་རག་མ་ལས་པའི་རང་བཞིན་གྱིས།། རང་འབྱུང་ཡེ་ཤེས་ཡིན་པར་ཡིད་ཀྱང་ཆེས།། རང་འབྱུང་ཡེ་ཤེས་གཅིག་གི་ངོ་བོ
iiif viewer powered by OpenSeadragon
