| e-texts navigator |
| Wylie |
84b1 མ་ལས་པའི་ཕྱིར།། རྒྱུ་འབྲས་འདས་པའི་མདོ་ལུང་བཅུ་ཡང་བསྟན།། ཀུན་བྱེད་རྒྱལ་པོའི་རང་འབྱུང་ཡེ་ཤེས་དེས།། བྱ་བྱེད་རྩོལ་སྒྲུབ་བྱ་མི་དགོས་པའི་ཕྱིར།། བྱ་མེད་རྫོགས་པའི་མདོ་ལུང་བཅུ་ཡང་བསྟན།། ཀུན
84b2 བྱེད་རྒྱལ་པོའི་རང་འབྱུང་ཡེ་ཤེས་དེས།། ཉིད་ཀྱི་རང་བཞིན་གཏན་ལ་འབེབས་པའི་ཕྱིར།། གཏན་ལ་འབེབས་པའི་མདོ་ལུང་བཅུ་ཡང་བསྟན།། དེ་ལ་དོན་གྱི་དགོས་པ་ལྔ་ཡོད་དེ།། ཆོས་ཉིད་མངོན་དུ་ཕྱུང་བའི་མདོ
84b3 ལུང་ལ།། ཆོས་ཉིད་མངོན་དུ་མཐོང་བའི་དགོས་པ་ཡོད།། ཆོས་ཉིད་མ་ནོར་མངོན་དུ་མཐོང་བ་དེས།། ལྷ་སྤྱོད་དམ་ཚིག་ལམ་ལ་བགྲོད་མི་དགོས།། མ་ནོར་ངེས་པར་སྟོན་པའི་མདོ་ལུང་ལ།། མ་ནོར་ཡིད་ཆེས་ངེས
84b4 པའི་དགོས་པ་ཡོད།། སེམས་ཉིད་མ་ནོར་ཡིད་ཆེས་མངོན་པ་དེས།། སངས་རྒྱས་བསྒྲུབ་མི་དགོས་པའི་དགོས་པ་ཡོད།། རྒྱུ་རྐྱེན་རག་མ་ལུས་པའི་མདོ་ལུང་ལ།། རྩོལ་སྒྲུབ་བྱ་མི་དགོས་པའི་ཡོན་ཏན་ཡོད།། རྩོལ
84b5 ཞིང་སྒྲུབ་པ་བྱ་མི་དགོས་པ་དེས།། མི་རྩོལ་བདེ་ལ་གནས་པའི་དགོས་པ་ཡོད།། བྱ་མེད་རྫོགས་པའི་མདོ་ལུང་བསྟན་པ་ལ།། མ་བྱས་རང་བཞིན་རྫོགས་པའི་དགོས་པ་ཡོད།། བྱ་མེད་རང་བཞིན་རྫོགས་པའི་དགོས
84b6 པ་དེས།། ཡེ་ནས་ལྷུན་གྱིས་རྫོགས་པའི་དགོས་པ་ཡོད།། གཏན་ལ་འབེབས་པའི་མདོ་ལུང་བསྟན་པ་ལས།། དུས་གསུམ་སངས་རྒྱས་ཁམས་གསུམ་སེམས་ཅན་དང་།། སྣང་སྲིད་སྣོད་བཅུད་བསྡུས་པ་ཐམས་ཅད
iiif viewer powered by OpenSeadragon
