| e-texts navigator |
| Wylie |
83a1 གནས།། མཉམ་པ་ཉིད་ལས་མ་གཏོགས་གཞན་པ་ནི།། སངས་རྒྱས་ཀུན་གྱི་མེས་པོ་ངས་མ་གསུངས།། མ་གསུངས་དགོངས་པ་སངས་རྒྱས་ཀུན་མི་སྟོན།། གསུངས་པ་ཐམས་ཅད་ང་ཡི་ངོ་བོ
83a2 གསུངས།། ངོ་བོ་རང་བཞིན་ཆོས་རྣམས་ཐམས་ཅད་ཡིན།། རང་བཞིན་རྣམ་དག་མཉམ་པའི་རྒྱལ་པོ་དེ།། མི་འགྱུར་རང་བཞིན་ཆགས་པ་ཀུན་དང་བྲལ།། གཟུང་བའི་ཡུལ་མེད་སེམས་ཀྱི་གནས་ཀྱང་མེད།། དེ་ལ
83a3 མངོན་སུམ་ཐོབ་པར་སུ་འདོད་པ།། འདོད་པ་དེ་ནི་ཆགས་པའི་གནས་ཡིན་ཏེ།། དེ་ལ་མི་རྟོག་མཉམ་པའི་དགོངས་པ་དེ།། ཆོས་ཉིད་ཡེ་ནས་རང་བཞིན་གནས་པ་ལ།། དེ་བཙལ་བསམ་པས་འདོད་སྒྲུབ་བྱེད་པ
83a4 ནི།། རང་སེམས་གཞན་དུ་ཚོལ་བར་བྱེད་པ་ཡིན།། དེ་ཡིས་ཆོས་ཀྱི་དབྱིངས་དང་ནམ་མཁའི་ཁམས། ཁམས་གསུམ་གནས་དང་སྲིད་པའི་ཆོས་བཤིག་ཀྱང་།། རང་སེམས་རང་བཞིན་གནས་པ་དེ་མི་རྙེད།། རང་གི
83a5 སེམས་ནི་ནམ་མཁའ་རང་བཞིན་ཏེ།། མཐའ་ལ་ཐུག་པ་མེད་པས་དབྱིངས་ལ་བྲི་བ་མེད།། རང་སེམས་ནམ་མཁའ་རང་བཞིན་དེ་མི་རིག། ཆོས་ཀྱི་རང་བཞིན་ཀུན་ཀྱང་དེ་ལྟ་སྟེ།། ཇི་བཞིན་པ་ལ་ཀུན་ཀྱང་བཅོས་པ
83a6 མེད།། འཆོས་པ་རོལ་པའི་ཏིང་འཛིན་ཅི་བྱས་ཀྱང་།། ཇི་བཞིན་པ་ལ་ངོ་བོ་འགྱུར་བ་མེད།། འགྱུར་ཏེ་ལྷག་པའི་སྟོབས་གཅིག་ཆེ་འགྱུར་ན།། ཏིང་འཛིན་གཅིག་གིས་འཁོར་བ་ལྷག་མ་མེད།། སྒྲ་ཡང་ཇི་བཞིན་པ་ལ
iiif viewer powered by OpenSeadragon
