| e-texts navigator |
| Wylie |
82b1 གསང་།། སེམས་ཉིད་མ་འགགས་ནམ་མཁའི་དབྱིངས་ན་རྒྱལ།། རྒྱུ་འབྲས་ཅན་ལ་མི་སྨྲ་ཤིན་ཏུ་གསང་།། སྣང་སྲིད་སྣོད་བཅུད་མ་བཅོས་ཆོས་ཉིད་རྒྱལ།། རྒྱུ་འབྲས་ཅན་ལ་མི་སྨྲ་ཤིན་ཏུ་གསང་།། ནམ་མཁའ་རླུང
82b2 ཆུས་མེ་སྣང་བ་ལྔ།། བྱང་ཆུབ་སེམས་ཀྱི་ངོ་བོར་ཤིན་ཏུ་རྒྱལ།། རྒྱུ་འབྲས་ཅན་ལ་མི་སྨྲ་ཤིན་ཏུ་གསང་།། ཁམས་གསུམ་དུས་གསུམ་ཐུགས་རྗེ་ཡེ་ཤེས་རྒྱལ།། རྒྱུ་འབྲས་ཅན་ལ་མི་སྨྲ་ཤིན་ཏུ་གསང་།། བྱང་ཆུབ
82b3 སེམས་ཀྱི་རང་བཞིན་ཀུན་བྱེད་ལ།། མ་ཡལ་མ་ཞི་རང་བཞིན་ཞི་བ་མེད།། ཆོས་དབྱིངས་རང་བཞིན་སྤྲོས་མེད་ཞི་བ་དེ།། མ་ཡལ་མ་ཞི་རང་བཞིན་སྤྲོས་པ་མེད།། རང་འབྱུང་ཡེ་ཤེས་མ་བསྒྲིབས་གསལ་བ
82b4 དེ།། མཁའ་ལ་མ་ཡལ་མ་ཞི་ཞི་བ་མེད།། སྣང་སྲིད་སྣོད་བཅུང་ཆོས་ཉིད་རང་བཞིན་ཏེ།། མ་ཡལ་མ་ཞི་རང་བཞིན་ཞི་བ་མེད།། ཆོས་རྣམས་ཐམས་ཅད་མ་ཡལ་མ་ཞི་བ།། རང་བཞིན་གསལ་ཏེ་ངོ་བོ་གཡོས་པ
82b5 མེད།། གཡོས་མེད་ཆོས་ལ་རྒྱུ་འབྲས་སྒྲུབ་བྱེད་པ།། དེ་ནི་ང་ཡི་ལུང་མིན་འདོད་ལུང་ཡིན།། ང་ནི་འདོད་པ་མེད་པས་ཀུན་གྲུབ་སྟེ།། མི་འདོད་འདོད་པ་མེད་པར་རང་བཞིན་འགྲུབ།། གྲུབ་ཅེས་བྱ་བ་ང་ཡིས་སྨྲས་པ
82b6 མེད།། རྒྱུ་འབྲས་གྲུབ་འདོད་རྣམས་ཀྱི་ཚིག་ཏུའོ།། ང་ནི་སྒོ་དང་སྐུར་པའི་སྒྲ་རུ་ཆེ།། ཡོད་དང་མེད་དང་གྲུབ་དང་མ་གྲུབ་དང་།། སྒོ་དང་སྐུར་པ་བཏབ་པ་ཐམས་ཅད་ཀུན།། མི་རྟོག་པས་ནི་མཉམ་པ་ཉིད་དུ
iiif viewer powered by OpenSeadragon
