| e-texts navigator |
| Wylie |
82a1 རྣམས་ཀྱི་ཆོས་ཉིད་ཡིན།། ཆོས་ཉིད་ལས་ནི་སངས་རྒྱས་གུད་ན་མེད།། སངས་རྒྱས་ལས་ནི་སེམས་ཅན་གུད་ན་མེད།། སེམས་ཅན་མི་རྟོག་སངས་རྒྱས་དགོངས་པ་ཡིན།། བྱང་ཆུབ་སེམས་མ་བྱུང་གི
82a2 བར་དུ་ནི།། སངས་རྒྱས་དང་ནི་སེམས་ཅན་གཉིས་ཀ་མེད།། དེ་བས་སངས་རྒྱས་ཀུན་ལས་སེམས་ཉིད་བསྔགས།། སེམས་ཉིད་མི་འགྱུར་འགྱུར་བ་ཡེ་ནས་མེད།། ཆོས་ཉིད་བསྒྱུར་བས་གཡོས་པ་རྡུལ་མེད
82a3 པར།། གཅིག་ལ་རིམ་པ་དགུ་དང་བརྒྱད་ཁྲི་སྟོང་།། འབྱེད་པའི་སྟོན་པས་གཅིག་གི་དོན་མི་རྟོགས།། གཅིག་མ་རྟོགས་པས་ཀུན་དོན་རྟོགས་མི་འགྱུར།། དེས་ན་སེམས་གཅིག་དོན་དེ་རབ་ཏུ་རྟོགས།། ཞེས་གསུངས
82a4 སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་མ་གཡོས་འདོད་པ་མེད་པའི་ལེའུ་སྟེ་ང་གཉིས་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་གཡོས་པ་མེད་པ་འདི་གསུངས
82a5 སོ།། ཀྱེ་སེམས་དཔའ་ཆེན་པོ་དེ་རྟོགས་ཤིག། ང་རྟོགས་ཆོས་རྟོགས་གཡོས་པ་མེད།། ཀུན་བྱེད་རྒྱལ་པོ་སྟོན་པ་ང་ཉིད་ནི།། བྱང་ཆུབ་སེམས་ལ་གཡོས་པ་མེད་པ་དེ།། ཐམས་ཅད་བྱང་ཆུབ་སེམས་ལས་གཡོས་མེད
82a6 ཅིང་།། རང་འབྱུང་ཡེ་ཤེས་རྒྱུ་རྐྱེན་མེད་པ་དེ།། རྒྱུ་དང་འབྲས་བུ་ཀུན་ལས་ཤིན་ཏུ་རྒྱལ།། རྒྱུ་འབྲས་ཐེག་པ་ཅན་ལ་ཤིན་ཏུ་གསང་།། མ་སྐྱེས་རྡོ་རྗེ་ཆོས་ཀྱི་དབྱིངས་ན་རྒྱལ།། རྒྱུ་འབྲས་ཅན་ལ་མི་སྨྲ་ཤིན་ཏུ
iiif viewer powered by OpenSeadragon
