| e-texts navigator |
| Wylie |
81a1 དེ་ནི་ཡང་དག་མིན།། ཡང་དག་གཟུང་དུ་ཡོད་མ་ཡིན།། བྱས་པའི་ལས་ནི་ཐམས་ཅད་ཀྱིས།། མ་བཙལ་ལྷུན་གྱིས་གྲུབ་པ་སྒྲུབ།། མ་བཙལ་ལྷུན་གྱིས་གྲུབ་པ་དེ།། བྱས་པས་གྲུབ་པ་མ་ཡིན་ཏེ།། མ
81a2 བྱས་ཡེ་ནས་ལྷུན་གྱིས་གྲུབ།། འདོད་པས་ཐམས་ཅད་ཀུན་སྤངས་པས།། གྲུབ་པར་བྱེད་པའི་གེགས་སུ་ཆེ།། འདོད་པའི་ཏིང་འཛིན་བག་ཆགས་དེས།། བག་ཆགས་དེ་ནི་སེམས་འཛིན་ཡིན།། འཛིན་པས་བདེ་བ་དེ
81a3 སྤོང་བྱེད།། མི་འཛིན་བདེ་བ་ཀུན་ལེན་པས།། ཇི་བཞིན་པ་ཡི་རང་བཞིན་ནོ།། ཇི་བཞིན་བཅོས་པ་མེད་པ་དེ།། སངས་རྒྱས་ཀུན་གྱི་དགོངས་པ་གཅིག། བདེ་བ་ཆེ་ལས་མ་གཏོགས་པ།། འདོད་དང་འཛིན་པ་ག་ལ
81a4 ཡོད།། མི་གནས་པ་ལ་དམིགས་པ་མེད།། མི་རྟོག་པ་ལ་འཛིན་པ་མེད།། མེད་པ་དོན་གྱི་སྙིང་པོ་དེ།། འདོད་པ་མེད་པས་ཐོབ་པར་འགྱུར།། གང་ལ་འཛིན་ཆགས་མེད་པ་དེས།། ཏིང་ངེ་འཛིན་ཏེ་འཛིན་པའི
81a5 མཆོག། ཀུན་ཟིན་ཡེ་ནས་གྲུབ་ཟིན་པས།། བཏང་གཞག་མི་རྟོག་གྲུབ་པའི་རྒྱལ།། ཀྱེ་སེམས་དཔའ་ཆེན་པོ།། སྣ་ཚོགས་བསྒོམས་པས་གཅིག་མི་གསལ།། གསལ་བ་ཏིང་འཛིན་གང་བྱེད་པ།། དེ་ལའང་ཏིང་འཛིན
81a6 ཡོད་མ་ཡིན།། དེ་བཞིན་ཉིད་དུ་གཅིག་པ་ལ།། སངས་རྒྱས་སེམས་ཅན་གཉིས་སུ་ཕྱེ།། བདེ་དང་སྡུག་བསྔལ་གཉིས་ཕྱེ་ནས།། བདེ་བ་དང་དུ་བླང་ལུང་བསྟན།། སྡིག་པ་རྒྱབ་ཏུ་བོར་ལུང་བསྟན།། དེ་ནི་ངེས་པའི་ལུང
iiif viewer powered by OpenSeadragon
