| e-texts navigator |
| Wylie |
80a1 ཏེ་མ་རིག་ལམ་ལ་བགྲོད་གྱུར་ན།། ཕྱིན་པའི་དུས་མེད་རྟོགས་ཐོབ་དུས་མེད་དེ།། བགྲོད་པས་སངས་རྒྱས་ས་རུ་ཕྱིན་པ་མེད།། སངས་རྒྱས་རང་སེམས་རྟོག་པ་བྲལ་བ་ཡིན།། བགྲོད་པས་རང་སེམས
80a2 རྟོག་བྲལ་དེར་མི་ཕྱིན།། ལྟ་བ་བསྒོམས་པས་ཏིང་འཛིན་ཡུལ་དང་ཕྲད།། ཏིང་འཛིན་དེ་ཡིས་རྟོག་བྲལ་མཉམ་དང་བྲལ།། དམ་ཚིག་བསྲུངས་པས་མ་ཉམས་འཛིན་ལ་གནས།། མ་ཉམས་འཛིན་པས་རྟོགས་མེད
80a3 མཉམ་དང་བྲལ།། ཕྲིན་ལས་བཙལ་བས་གྲུབ་པའི་ཏིང་འཛིན་བྱེད།། གྲུབ་པའི་ཏིང་འཛིན་མི་རྟོག་མཉམ་དང་བྲལ།། ས་ལ་སྦྱངས་པས་གནས་པའི་ཏིང་འཛིན་བྱེད། འབྱོངས་པའི་ཏིང་འཛིན་རྟོག་མེད་མཉམ་དང
80a4 བྲལ།། ཆོས་ཉིད་བརྟགས་པས་གསལ་བའི་ཏིང་འཛིན་བྱེད།། ཏིང་འཛིན་གསལ་བས་རྟོག་མེད་མཉམ་དང་བྲལ།། ཡེ་ཤེས་གསལ་བར་རྟོགས་པའི་ཏིང་འཛིན་བྱེད།། གསལ་བར་རྟོགས་པའི་ཏིང་འཛིན་མི་རྟོག
80a5 བྲལ།། ཀྱེ་སེམས་དཔའ་ཆེན་པོ་ཉོན་ཅིག། འདོད་པའི་ཏིང་འཛིན་ཇི་ལྟར་གསལ་བ་དེས།། འདོད་པ་མེད་པ་བདེ་བ་གྲུབ་པར་བྱེད།། བྱ་བྲལ་ཟིན་པའི་བདེ་བ་ཆེན་པོ་དེ།། མི་རྟོག་འདོད་པ་མེད་པ་དེ་ཡིས
80a6 བླངས།། ཏིང་འཛིན་མི་བྱེད་བག་ཆགས་མི་སོག་པས།། རང་འབྱུང་ཡེ་ཤེས་ལས་ཀྱི་དབང་མི་འགྱུར།། རང་འབྱུང་ཡེ་ཤེས་ཆོས་སྐུའི་སྙིང་པོ་དེ།། བཙལ་བས་མི་འགྲུབ་རང་བཞིན་གནས་པས་འགྲུབ།། གྲུབ་པར་བྱ
iiif viewer powered by OpenSeadragon
