| e-texts navigator |
| Wylie |
7b1 ནི་ཐམས་ཅད་དང་།། ཀུན་ལ་ཆུབ་སྟེ་ཁྱབ་པར་གནས།། དེས་ན་ཆུབ་ཅེས་བྱ་བར་བཤད།། སེམས་ཀྱི་དོན་ནི་འདི་ལྟ་སྟེ།། སྙིང་པོ་རང་འབྱུང་ཡེ་ཤེས་དེས།། སྣང་སྲིད་སྣོད་བཅུད་ཐམས་ཅད་ལ།། འཇུག་ཅིང་དབང
7b2 སྐུར་གསལ་བར་གཅོད།། དེས་ན་སེམས་ཞེས་བྱ་བར་བཤད།། རྒྱུ་རྐྱེན་མེད་པའི་སྙིང་པོ་དེས། ཀུན་ལ་དབང་སྒྱུར་ཐམས་ཅད་བྱེད།། ཀྱེ་སེམས་དཔའ་ཆེན་པོ།། ང་ཡི་རང་བཞིན་རྟོགས་གྱུར་ན།། སྟོན་པ་ཀུན་ཀྱང
7b3 རྟོགས་འགྱུར་ལ།། བསྟན་པ་ཀུན་ཀྱང་རྟོགས་པར་འགྱུར།། འཁོར་གྱི་བསམ་པ་རིག་འགྱུར་ལ།། དུས་གནས་ཀུན་ཀྱང་གཅིག་འགྱུར་རིག། ཆོས་རྣམས་ཐམས་ཅད་ང་ཡིན་པས།། ང་ཡི་རང་བཞིན་འདི་རིག
7b4 ན།། ཆོས་རྣམས་ཐམས་ཅད་རིག་འགྱུར་བས།། བྱ་བྱེད་རྩོལ་སྒྲུབ་ཀུན་ལས་འདས།། མི་རྩོལ་ལྷུན་གྱིས་གྲུབ་པར་འགྱུར།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ང་ཉིད་ཀྱི་མཚན་བཤད
7b5 པའི་ལེའུ་སྟེ་བཞི་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སེམས་དཔའ་རྡོ་རྗེ་ལ་ཉིད་ཀྱི་རང་བཞིན་བསྟན་པའི་མདོ་འདུས་པའི་དོན་འདི་བསྟན་ཏོ།། ཀྱེ་སེམས་དཔའ་ཆེན་པོ
7b6 ཅིག། ང་ཡི་རང་བཞིན་འདི་ལྟ་སྟེ།། ཡོད་ནི་གཅིག་ལས་མེད་པ་སྟེ།། བསྟན་ནི་རྣམ་པ་གཉིས་སུ་བསྟན།། བྱུང་ནི་ཐེག་པ་དགུ་རུ་བྱུང་།། འདུས་ནི་རྫོགས་པ་ཆེན་པོར་འདུས།། ཡིན་ནི་བྱང་ཆུབ་སེམས་ཡིན
iiif viewer powered by OpenSeadragon
