| e-texts navigator |
| Wylie |
7a1 གནས་དུས་ཀྱང་ཆོས་ཉིད་དེ།། ཆོས་ཉིད་མ་ཡིན་གཅིག་ཀྱང་མེད།། སྙིང་པོ་བྱ་བའི་དོན་འདི་ནི།། ཐམས་ཅད་འབྱུང་བའི་སྙིང་པོ་སྟེ།། བྱང་ཆུབ་སེམས་ཀྱི་རང་བཞིན་ལས།། སྟོན་པ་གསུམ་ཡང་དེ
7a2 ལས་བྱུང་།། བསྟན་པ་གསུམ་ཡང་དེ་ལས་བྱུང་།། འཁོར་གནས་དུས་ཀྱང་དེ་ལས་བྱུང་།། ཐམས་ཅད་འབྱུང་བའི་སྙིང་པོར་བཤད།། ང་ནི་སྙིང་པོ་སེམས་ཉིད་ཀྱིས།། ཆོས་རྣམས་མ་ལུས་ཀུན་བྱེད་དེ།། ཀུན་ཞེས་བྱ།
7a3 བའི་ཆོས་རྣམས་ཀུན།། ཆོས་ཀུན་གང་དང་གང་ཞེ་ན།། སྟོན་པ་དང་ནི་བསྟན་པ་དང་།། འཁོར་གནས་དུས་ནི་ཐམས་ཅད་ཀུན།། བྱེད་ཅེས་བྱ་བ་མཁན་པོ་སྟེ།། སྟོན་པ་དང་ནི་བསྟན་པ་དང་།། འཁོར་གནས་དུས་ནི
7a4 ཀུན་བྱེད་པས།། རང་འབྱུང་ཡེ་ཤེས་མཁན་པོ་ཡིན།། རྒྱལ་པོ་ཞེས་ནི་བྱ་བ་ནི།། སྙིང་པོ་རང་འབྱུང་ཡེ་ཤེས་དེ།། བྱེད་པའི་མཁན་པོ་ཀུན་ལས་རྒྱལ།། ཆོས་རྣམས་བྱེད་མཁན་ཀུན་ལས་རྒྱལ།། བྱང་བའི་དོན་ནི་འདི
7a5 ལྟ་སྟེ།། སྙིང་པོ་བྱང་ཆུབ་སེམས་དེ་ནི།། རང་འབྱུང་ཡེ་ཤེས་རྣམ་དག་པས།། ཀུན་བྱེད་རྒྱལ་པོས་བྱས་པ་ཀུན།། ཀུན་བཟང་ཉིད་དུ་རྣམ་དག་པས།། བྱང་ཞེས་བྱ་བར་བཤད་པ་ཡིན།། ཆུབ་ཅེས་བྱ་བ་འདི་ལྟ
7a6 སྟེ།། སྙིང་པོ་རང་འབྱུང་ཡེ་ཤེས་དེས།། སྣང་བ་དང་ནི་སྲིད་པ་དང་།། སྣོད་དང་བཅུད་ཀྱིས་བསྡུས་པ་དང་།། དུས་གསུམ་སངས་རྒྱས་ཐམས་ཅད་དང་། ཁམས་གསུམ་རྒྱུད་དྲུག་སེམས་ཅན་དང་།། དེ་བཞིན་ཉིད
iiif viewer powered by OpenSeadragon
