| e-texts navigator |
| Wylie |
79a1 བཏགས།། ལ་ལས་རང་འབྱུང་ཡེ་ཤེས་མིང་ཡང་བཏགས།། ལ་ལས་ཆོས་ཀྱི་སྐུ་རུ་མིང་ཡང་བཏགས།། ལ་ལས་ལོངས་སྤྱོད་རྫོགས་པར་མིང་ཡང་བཏགས།། ལ་ལས་སྤྲུལ་པའི་སྐུ་རུ་མིང་ཡང
79a2 བཏགས།། ལ་ལས་སྐུ་གསུང་ཐུགས་སུ་མིང་ཡང་བཏགས།། ལ་ལས་ཐམས་ཅད་མཁྱེན་པར་མིང་ཡང་བཏགས།། ལ་ལས་རྣམ་པ་ཐམས་ཅད་མིང་ཡང་བཏགས།། ལ་ལས་ཡེ་ཤེས་བཞི་དང་གསུམ་དུ་བཏགས།། ལ
79a3 ལས་ཡེ་ཤེས་ལྔ་རུ་མིང་བཏགས་ལ།། ལ་ལས་དབྱིངས་དང་ཡེ་ཤེས་མིང་བཏགས་པ།། རང་འབྱུང་བྱང་ཆུབ་སེམས་ནི་གཅིག་ལ་བཏགས།། རང་འབྱུང་བ་ལ་མཐོང་ཚད་སྨྲས་པ་ཡིན།། ཞེས་གསུངས་སོ།། བྱང་ཆུབ
79a4 ཀྱི་སེམས་ཀུན་བྱེད་རྒྱལ་པོ་ལས་རང་འབྱུང་ཡེ་ཤེས་བསྟན་པའི་ལེའུ་སྟེ་ལྔ་བཅུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་རྫོགས་པ་ཆེན་པོའི་ལམ་ལ་བགྲོད་དུ་མེད་པ་འདི་གསུངས
79a5 སོ།། ཀྱེ་སེམས་དཔའ་ཆེན་པོ་ཉོན་ཅིག། ཀུན་བྱེད་རྒྱལ་པོ་ང་ནི་བྱང་ཆུབ་སེམས།། བྱང་ཆུབ་སེམས་ནི་ཀུན་གྱི་ལམ་ཆེན་ཏེ།། གནས་དང་ཡུལ་དང་སངས་རྒྱས་ས་དང་གསུམ།། གཞན་ན་མེད་དེ་འདི་ན་རང་བཞིན
79a6 གནས།། ཆོས་ཀྱི་དབྱིངས་དང་ཆོས་ཉིད་འདི་ན་གནས།། ནམ་མཁའི་ཁམས་དང་གཞལ་ཡས་འདི་ན་གནས།། སངས་རྒྱས་ས་དང་ཡུལ་ནི་བྱང་ཆུབ་སེམས།། གཞན་དུ་བགྲོད་པའི་ལམ་དང་གནས་མེད་དེ།། བགྲོད
iiif viewer powered by OpenSeadragon
