| e-texts navigator |
| Wylie |
78b1 དོར་མི་བྱེད།། ཏིང་འཛིན་མི་རྟོག་བག་ཆགས་སོག་མི་འགྱུར།། འདི་ཡང་དུས་གསུམ་སངས་རྒྱས་དགོངས་པ་སྟེ།། གང་དུ་མི་རྟོག་འདི་ལ་སུ་གནས་ལ།། ང་ལ་མི་གནས་འགྲོ་བའི་དོན་མི་གནས།། ཆོས་སྐུ་བྱང་ཆུབ
78b2 སེམས་ལ་འདི་གནས་ཏེ།། དུས་གསུམ་སངས་རྒྱས་ཀུན་གྱི་དགོངས་པ་འདུས།། ཀྱེ་སེམས་དཔའ་ཆེན་པོ་ཚིག་དོན་འདི།། རིག་པ་ཉམས་སུ་མངོན་སུམ་རྟོགས་པར་གྱིས།། རང་བྱུང་ཡེ་ཤེས་ཡུལ་ལ་ལྔར་གནས
78b3 པ།། ཡེ་ཤེས་ལྔ་ནི་ཡུལ་ལྔ་འདོད་མ་ཡིན།། ཡུལ་འདོད་ལྔ་ནི་ཡེ་ཤེས་ལྔ་ལ་སྣང་།། ཡུལ་དེ་ཡེ་ནས་ཡེ་ཤེས་ཡིན་པའི་ཕྱིར།། ཡུལ་དང་ཡེ་ཤེས་གཉིས་སུ་ངས་མ་བསྟན།། དེས་ན་ཡུལ་ཡང་རང་འབྱུང་ཡེ་ཤེས
78b4 ཡིན།། རང་འབྱུང་ཡེ་ཤེས་གཅིག་ལས་མེད་པ་ལ། ང་ལས་བྱུང་བའི་འཁོར་གྱི་སྟོན་པ་ཡིན།། ཡུལ་ལ་བརྟེན་ནས་ཡེ་ཤེས་མིང་བཏགས་པ།། རྣམ་པ་གྲངས་ཀྱི་ཡེ་ཤེས་བྱུང་བ་ནི།། རྣམ་བརྟགས་པ་ཡི་ཡེ་ཤེས་གཅིག
78b5 གིས་ནི།། ཡུལ་གཅིག་རང་བཞིན་སོ་སོར་སྣང་བ་ལ།། ཡུལ་ཅན་ལ་ནི་ཡུལ་གྱི་མིང་བཏགས་པ།། དེ་ནི་ངེས་པ་མ་ཡིན་འཁྲུལ་པས་བརྟགས།། ཀུན་བྱེད་ང་ཡི་རང་འབྱུང་ཡེ་ཤེས་མིན།། ཀུན་བྱེད་ང་ཡི་རང་བཞིན
78b6 གཅིག་པུ་ལ།། འཁོར་གྱི་འདོད་པ་རྣམས་ཀྱིས་མིང་བཏགས་པ།། ལ་ལས་བྱང་ཆུབ་སེམས་སུ་མིང་བཏགས་ལ།། ལ་ལས་ཆོས་ཀྱི་དབྱིངས་སུ་མིང་ཡང་བཏགས།། ལ་ལས་ནམ་མཁའི་ཁམས་སུ་མིང་ཡང
iiif viewer powered by OpenSeadragon
