| e-texts navigator |
| Wylie |
78a1 ཡུལ་མེད་བྱང་ཆུབ་སེམས།། ཡེ་ཤེས་རང་ལས་བྱུང་བའི་ཕྱིར།། དེ་ལ་ཏིང་འཛིན་སྒོམ་མི་བྱེད།། ཏིང་འཛིན་སྒོམ་པ་མི་བྱེད་པས།། ཏིང་འཛིན་བག་ཆགས་སོག་མི་འགྱུར།། བག་ཆགས་མེད་པའི་ཆོས
78a2 ཉིད་དེ།། དུས་གསུམ་སངས་རྒྱས་དགོངས་པར་བཤད།། དུས་གསུམ་སངས་རྒྱས་ཐམས་ཅད་ཀྱི།། དགོངས་པའི་ཡུལ་ལ་མི་རྟོག་སྟེ།། མཉམ་པ་ཉིད་དུ་ཡེ་ནས་གནས།། ཀྱེ་སེམས་དཔའ་ཆེན་པོ་ཉོན་ཅིག། དུས
78a3 གསུམ་སངས་རྒྱས་ཐམས་ཅད་ཀྱི།། རང་བྱུང་ཡེ་ཤེས་ཐུགས་དེ་ལ།། ཡེ་ནས་རྟོག་པ་མེད་པའི་ཕྱིར།། སངས་རྒྱས་དགོངས་པ་མི་མཛད་དེ།། རྟོག་པའི་ཡུལ་ནི་ཀུན་དང་བྲལ།། ཤིན་ཏུ་རྣལ་འབྱོར་གང་ཟག
78a4 གང་།། སུ་ཡང་རུང་བ་དེ་ཡིས་ནི།། རྟོག་པ་མེད་ལ་གནས་གྱུར་ན།། དེ་ནི་སངས་རྒྱས་དགོངས་པ་མཛད།། ཀྱེ་སེམས་དཔའ་ཆེན་པོ་ཉོན་ཅིག། རང་འབྱུང་ཡེ་ཤེས་སངས་རྒྱས་དགོངས་པ་མཛད།། རང་འབྱུང་ཡེ
78a5 ཤེས་ཡུལ་ལ་མི་རྟོག་པས།། རྣམ་པར་རྟོག་པའི་བག་ཆགས་གོས་མི་འགྱུར།། ལས་ནི་ཏིང་འཛིན་བརྟགས་པའི་བག་ཆགས་ཡིན།། མི་རྟོག་པ་ལ་བག་ཆགས་ཡོད་མ་གསུངས།། མི་རྟོག་པ་ཡི་རང་འབྱུང་ཡེ་ཤེས
78a6 ལྔ།། སེམས་ཀྱི་རང་བཞིན་དབང་པོ་སྒོ་ལྔར་བཤད།། རང་འབྱུང་ཡེ་ཤེས་དེ་ལ་འགག་པ་མེད།། བྱང་ཆུབ་སེམས་ཀྱི་ངོ་བོ་མངོན་སྣང་ལ།། རང་འབྱུང་ཡེ་ཤེས་མི་འགག་སོ་སོར་གསལ།། རང་གི་རྐྱེན་གྱིས་སྣང་བས
iiif viewer powered by OpenSeadragon
