| e-texts navigator |
| Wylie |
76b1 སེམས་དེ་འཆོས་པ་སྟེ།། བཅོས་པས་རང་སེམས་འབྱོངས་མི་འགྱུར།། དེ་ནི་སྤྱིས་ཀུན་གྱི་གནས།། ཀྱེ་སེམས་དཔའ་ཆེན་པོ་ཉོན་ཅིག། ང་ལས་བྱུང་བའི་སྟོན་པ་སྐུ་གསུམ་གྱིས།། རྒྱུ་འབྲས་དགའ་བའི་འཁོར་རྣམས
76b2 ལ།། ས་མདོ་རྣམ་པ་གསུམ་བསྟན་ཏེ།། བསྐྱེད་པའི་ས་དང་སྤྱོད་པའི་ས།། བསྒྲུབ་པའི་ས་དང་གསུམ་བསྟན་ཏེ།། བསྐྱེད་པའི་ས་རུ་སེམས་བཞི་བསྐྱེད།། སྤྱོད་པའི་ས་རུ་སེམས་སྤྱོད་བཅུས།། བསྒྲུབ་པའི་ས་རུ་གྲུབ
76b3 འདོད་པས།། དེ་ནི་དྲང་བའི་ལུང་དུ་བསྟན་པའི་ཕྱིར།། ཡང་དག་ངེས་པར་ཡོད་པར་ལུང་མ་བསྟན།། ཡང་དག་ངེས་པར་ང་ཡི་ལུང་འདི་ཉོན།། བྱང་ཆུབ་སེམས་ལ་རྒྱུ་རྐྱེན་མེད་པའི་ཕྱིར།། བསྐྱེད་པའི་ས་རུ་བྱང་ཆུབ
76b4 སེམས་མི་བསྐྱེད།། བསྐྱེད་པའི་ས་རུ་བྱང་ཆུབ་སེམས་བསྐྱེད་ན།། ཆོས་དབྱིངས་ནམ་མཁའ་བྱང་ཆུབ་སེམས་མི་ཤོང་།། དགེ་སྡིག་ལས་ལ་དྲན་པ་དབང་བསྒྱུར་བས།། ཕྱི་ཡུལ་ཆོས་ཉིད་སྤངས་པས་མ་སྤོངས
76b5 ཏེ།། རང་འབྱུང་ཡེ་ཤེས་མི་ཁེགས་བཞིན་དུ་འགེགས།། རང་འབྱུང་ཡེ་ཤེས་ཡུལ་ལ་མི་རྟོག་བཞིན།། གཟུང་དང་འཛིན་པ་ཡོད་ཅེས་འཇོམས་པར་བྱེད།། དེས་ན་བྱང་ཆུབ་སེམས་ལ་སྐྱེས་པ་མེད།། སྤྱོད་པའི་ས་རུ
76b6 བྱང་ཆུབ་བཅུ་སྤྲད་པས།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། བྱང་ཆུབ་སེམས་ལ་གཡོས་པ་མེད་པ་ནི།། ནམ་མཁའ་ལྟ་བུའི་ཆོས་ཉིད་སྣང་བར་ཟད།། ནམ་མཁའ་ལ་ནི་གཡོས་པ་རྡུལ་ཙམ་མེད།། དེ
iiif viewer powered by OpenSeadragon
