| e-texts navigator |
| Wylie |
76a1 ཁམས་གསུམ་སེམས་ཅན་ལ།། བགྲོད་པ་བྱང་ཆུབ་སེམས་ཀྱི་ལམ་ལ་བགྲོད།། སེམས་སུ་སངས་རྒྱས་སེམས་ཅན་གཉིས་སུ་མེད།། དེས་ན་སེམས་ཀྱིས་སེམས་ལ་ལམ་བགྲོད་མེད།། ས་ལ་སྦྲང་དུ
76a2 མེད་ཅེས་བསྟན་པ་ནི།། ཆོས་དབྱིངས་བྱང་ཆུབ་སེམས་ཀྱི་ས་འདི་ལ།། སྦྱངས་པས་ཐོབ་པར་འདོད་པ་རྒྱུ་འབྲས་ཅན།། ཆོས་ཉིད་བྱང་ཆུབ་སེམས་ཀྱི་ས་འདི་ལ།། སྦྱངས་བཅོས་བྱས་གྲུབ་ལུང་ནི་ངས་མ་བསྟན།། ཡེ
76a3 ཤེས་ཡུལ་ལ་མི་རྟོག་ཞེས་བསྟན་པ།། ཡུལ་དེ་ཡེ་ནས་རང་འབྱུང་ཡེ་ཤེས་ཏེ།། ཡེ་ཤེས་ལ་ནི་ཡེ་ཤེས་ཡུལ་མ་མཆིས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཐམས་ཅད་ཀྱི་གཞི་མ་ཀུན
76a4 བྱེད་ཉིད་ཡིན་པར་བསྟན་པའི་ལེའུ་སྟེ་ཞེ་བརྒྱད་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཐམས་ཅད་པ་ལ་གནས་པའི་ས་འདི་བསྟན་ཏོ།། ཀྱེ་སེམས་དཔའ་ཆེན་པོ་ཀུན་བྱེད་རྒྱལ་པོ
76a5 ཉིད་ནི།། ཀུན་གྱི་བྱང་ཆུབ་སྙིང་པོར་གནས།། བྱང་ཆུབ་སེམས་ཀྱི་རང་བཞིན་ནི།། ཆོས་ཀྱི་དབྱིངས་ཀྱི་ཕོ་བྲང་སྟེ།། དུས་གསུམ་སངས་རྒྱས་ཐམས་ཅད་དང་།། ཁམས་གསུམ་སེམས་ཅན་ཐམས་ཅད་ཀུན།། ཀློང
76a6 ཆེན་སེམས་ཀྱི་གནས་དེ་ན།། མི་གནས་པ་ནི་གཅིག་ཀྱང་མེད།། ཀུན་གྱི་གནས་དང་ས་ཡིན་ཏེ།། འདུ་འབྲལ་མེད་པར་དེ་ན་བཞུགས།། དེ་ལ་སྦྱང་ཞིང་བགྲོད་མི་དགོས།། དེ་ལ་སྦྱངས་ཏེ་བགྲོད་འགྱུར་ན།། རང་གི
iiif viewer powered by OpenSeadragon
