| e-texts navigator |
| Wylie |
75a1 བཞིན་རྣམ་གསུམ་ཕུན་སུམ་ཚོགས།། ཀྱེ་སེམས་དཔའ་ཆེན་པོ་ཉོན་ཅིག། ང་ཡི་རང་བཞིན་ཆོས་ཉིད་གཅིག་པུ་ལ།། ང་མ་འགགས་པའི་སྟོན་པ་རྣམ་གསུམ་གྱིས།། སྐྱེ་བའི་ཆོ་འཕྲུལ་འབྱུང་བའི་འཁོར
75a2 གསུམ་ལས།། ང་ཡི་ཆོས་ཉིད་དེ་བཞིན་ཉིད་གཅིག་ལ།། རྟོགས་པར་བྱ་བའི་ཐབས་ཀྱི་གཞི་མ་དྲུག། ལྟ་བ་ཆོས་ཉིད་མཐོང་བའི་གཞི་མ་བྱེད།། དེས་ནི་མཐོང་བར་བྱ་བའི་ཐབས་ཡིན་ཏེ།། མ་སྐྱེས་དམིགས་པར་བྱ།
75a3 བའི་ཡུལ་མེད་པས།། བལྟས་པས་དེ་བཞིན་ཉིད་ལ་མཐོང་བ་མེད།། དམ་ཚིག་རང་སྐྱོན་སེལ་བའི་གཞི་མ་བྱེད།། དེས་ནི་བར་ཆད་མེད་པའི་ཐབས་ཡིན་ཏེ།། དེ་བཞིན་ཉིད་ལ་བསྲུང་བའི་ཡུལ་མེད་པས།། བསྲུངས
75a4 པས་དེ་བཞིན་ཉིད་ལ་ཐུབ་པ་མེད།། ལས་ནི་གྲུབ་པར་བྱེད་པའི་གཞི་མ་བྱེད།། བཙལ་བས་གྲུབ་པར་བྱེད་པའི་ཐབས་ཡིན་ཏེ།། དེ་བཞིན་ཉིད་ལ་བཙལ་བའི་ཡུལ་མེད་པས།། དེ་བཞིན་ཉིད་ལ་ལས་ཀྱི་གྲུབ་པ
75a5 མེད།། ལམ་གྱིས་བགྲོད་པས་ཕྱིན་པའི་གཞི་མ་བྱེད།། དེས་ནི་གནས་སུ་ཕྱིན་པའི་ཐབས་ཡིན་ཏེ།། དེ་བཞིན་ཉིད་ལ་ལམ་གྱིས་བགྲོད་མེད་ཕྱིར།། བགྲོད་པས་ཕྱིན་པས་དེ་བཞིན་ཉིད་མ་ཡིན།། ས་ནི་གནས་པར
75a6 བྱེད་པའི་གཞི་མ་བྱེད།། དེས་ནི་སྦྱང་མི་དགོས་པའི་ཐབས་ཡིན་ཏེ།། དེ་བཞིན་ཉིད་ལ་ཐམས་ཅད་ཀུན་གནས་པས།། གནས་པར་བྱ་བའི་ས་ལ་སྦྱང་དུ་མེད།། ཡེ་ཤེས་རྟོགས་པར་བྱེད་པའི་གཞི་མ་བྱེད།། དེས་ནི
iiif viewer powered by OpenSeadragon
