| e-texts navigator |
| Wylie |
72a1 གྲུབ།། མི་སྤོང་བ་ཡི་དམ་རྫས་རྣམ་ལྔ་ནི།། འདོད་ཆགས་ཞེ་སྡང་ལ་སོགས་དུག་ལྔ་པོ།། གསང་བ་རྡོ་རྗེའི་དམ་ཚིག་ཆེན་པོ་རུ།། ཉོན་མོངས་ལྔ་བསྒྱུར་ཡེ་ཤེས་རྣམ་པ་ལྔར།། དུག་ལྔ་མི་སྤོང་ཡེ་ཤེས
72a2 རྣམ་ལྔར་ལེན།། བླང་དོར་མེད་པའི་བདེ་བ་དེས་མ་གྲུབ།། གྲུབ་པར་བྱ་བའི་དམ་ཚིག་རྣམ་ལྔ་ནི།། ཕུང་པོ་ལྔ་དང་འབྱུང་བ་ལྔ་རྣམས་དང་།། རྣམ་ཤེས་ཡུལ་རྣམས་དཀྱིལ་འཁོར་གྲུབ་བྱེད་པ།། ཏིང་འཛིན་གསུམ
72a3 དང་ཆོ་ག་ལྔ་རྫོགས་ནས།། རྒྱལ་བའི་རིགས་ལྔའི་དཀྱིལ་འཁོར་གྲུབ་བྱེད་པ།། ཏིང་འཛིན་ཆོ་ག་ལྔ་ཡིས་སེམས་རྩོལ་བྱེད།། མི་རྟོག་མ་བཙལ་ལྷུན་གྱིས་གྲུབ་དང་འགལ།། བསྒོམ་པའི་སྐུ་ནི་མི་རྟོག་འཇའ་ཚོན
72a4 འདྲ།། ཆོ་ག་བཟླས་བརྗོད་འཛབ་ཀྱང་རྩི་སྐྱ་འདྲ།། རྩོལ་སྒྲུབ་སྤྱོད་པས་ལྷུན་གྱིས་གྲུབ་མི་འགྱུར།། མེད་པར་བསྒྲུབ་པས་ཤིན་ཏུ་གྲུབ་པ་མེད།། ཀུན་བྱེད་པ་ལ་བསྲུང་བའི་དམ་ཚིག་མེད།། རྒྱུ་རྐྱེན་མེད་པས་རྩོལ
72a5 ཞིང་བསྒྲུབ་མི་དགོས།། ལྷུན་གྱིས་གྲུབ་པས་སྤྱད་པར་བྱ་མི་དགོས།། ཡེ་ཤེས་ཡིན་པས་ཤེས་པར་བྱ་མི་དགོས།། རང་འབྱུང་ཡིན་པས་རྒྱུ་དང་རྐྱེན་མི་དགོས།། བཟང་ངན་མེད་པས་བླང་དོར་བྱ་མི་དགོས།། དངོས་པོ
72a6 མེད་པས་མེད་པ་ཞེས་སུ་བཤད།། དངོས་སུ་མི་སྤྱོད་ཡེ་ཤེས་མ་འགགས་པས།། དེ་ལ་ཕྱལ་བ་ཞེས་སུ་བཏགས་པ་ཡིན།། སེམས་སུ་ཀུན་གཅིག་གཅིག་པུར་བཏགས་པ་ཡིན།། ཇི་ལྟར་སྣང་བའི་ཆོས་རྣམས་ཐམས
iiif viewer powered by OpenSeadragon
