| e-texts navigator |
| Wylie |
71b1 ཁྲིམས་འགྲོ་དོན་ཞལ་འཆེས་པ།། གང་ཡང་དམ་བཅས་ཚུལ་བཞིན་མི་འགྲུབ་སྟེ།། དམ་བཅས་མ་གྲུབ་བཤགས་པས་སེམས་མི་འདག། བསྲུང་མེད་ང་དང་ཡུན་དུ་ཐག་རིང་ཉམས།། ཀྱེ་རྡོ་རྗེ་གསང་བ་གསུམ་གྱི་དམ
71b2 ཚིག་ནི།། རྩ་བ་གསུམ་དང་ཡན་ལག་ལྔ་རྣམས་ཏེ།། རྩ་བ་གསུམ་ནི་སྐུ་གསུང་ཐུགས་འདུས་ཏེ།། སྐུ་ནི་ལྷ་ཡི་སྐུར་བསྒོམ་ལུས་ཀྱང་འཆིང་།། ངག་ནི་འཛབ་དང་ཏིང་འཛིན་ཞི་བ་མིན།། ཡིད་ཀྱི་ཏིང་འཛིན་འཕྲོ་འདུས
71b3 བཟུང་ནས་ནི།། རྩ་བ་མི་རྟོག་དམ་ཚིག་བདེ་དང་བྲལ།། ཡན་ལག་རྣམ་པ་ལྔ་ནི་འདི་ལྟ་སྟེ།། དང་པོར་ཤེས་པར་བྱ་བའི་དམ་ཚིག་ནི།། ཕུང་པོ་ལྔ་དང་འབྱུང་བ་རྣམ་པ་ལྔ།། རྣམ་ཤེས་དབང་པོ་ཡུལ་ལ་སོགས་པ
71b4 རྣམས།། ལྷ་དང་དཀྱིལ་འཁོར་རང་བཞིན་ཤེས་པར་བྱ།། ཤེས་བྱ་ཤེས་བྱེད་མེད་པ་དེས་མ་མཐོང་།། སྤྱད་པར་བྱ་བའི་དམ་ཚིག་རྣམ་ལྔ་ནི།། སྟ་ན་ག་ན་མ་བྱིན་བླངས་པ་དང་།། མི་ཚངས་སྤྱོད་དང་བརྫུན་དུ་སྨྲ་བ
71b5 དང་།། རྣམ་པ་ལྔ་ནི་ཐབས་མཁས་སྤྱོད་བྱེད་པ།། མ་སྤྱད་ཉམས་མཐོང་རྟོག་དང་བཅས་ནས་སྤྱོད།། དེ་ཡང་མི་རྟོག་མཉམ་དང་བྲལ་བ་ཡིན།། དང་དུ་བླང་བའི་དམ་ཚིག་རྣམ་ལྔ་ནི།། དྲི་ཆེན་དྲི་ཆུ་ལ་སོགས་དམ་རྫས
71b6 ལྔས།། རྒྱལ་བའི་སྐུ་ལྔ་འདི་ལས་འགྲུབ་ཟེར་ནས།། དཔའ་བོ་འབྲུ་ལྔས་འཕྲོ་འདུ་བྱས་ནས་ནི།། རྒྱལ་བའི་སྐུ་ལྔ་དང་དུ་ལེན་བྱེད་པ།། དང་དུ་མ་བླངས་སྐུ་ལྔ་མི་གྲུབ་རྟོག། བླང་དོར་བྲལ་བའི་རྟོག་འདས་དེ་མ
iiif viewer powered by OpenSeadragon
