| e-texts navigator |
| Wylie |
70b1 བཞིན་གནས།། ཆོས་ཉིད་སྣང་བ་མེད་པའི་རང་བཞིན་ལ།། རིག་པས་མི་རྟོག་ཏིང་འཛིན་མ་བྱེད་ཅིག། ཀྱེ་སེམས་དཔའ་ཆེན་པོ།། བསྒོམས་ན་གང་བསྒོམ་ང་ཡི་ནད་ཡིན་གྱིས།། ཀུན་གྱི་སྙིང་པོ་བྱང་ཆུབ་སེམས
70b2 ཡིན་ན།། བྱང་ཆུབ་སེམས་ནི་གཟུང་འཛིན་བྲལ་བའི་ཕྱིར།། བསྒོམ་པར་བྱ་བ་རྡུལ་ཙམ་ཡོད་མ་ཡིན།། གོང་བཤད་བསྒོམས་པས་འབྲས་བུ་མ་ཐོབ་བཞིན།། ང་ཡང་བསྒོམས་པས་ཐོབ་པར་ལུང་མི་སྟོན།། ཀྱེ་སེམས
70b3 དཔའ་ཆེན་པོ་ང་ལ་ལྟོས།། ང་ནི་ཀུན་བྱེད་བྱང་ཆུབ་སེམས་ཡིན་ཏེ།། ཀུན་བྱེད་བྱས་པས་ཀུན་བྱས་ཉིད་དུ་བྱས།། ཀུན་ནི་མ་ལུས་པ་ཡི་སྒྲར་བཤད་དེ།། བྱེད་པའི་སྙིང་པོ་དེ་ཡིས་ཐམས་ཅད་བྱེད།། བྱང་བ་གཟུང་དུ
70b4 ཡོད་པ་མ་ཡིན་ལ།། ཆུབ་པ་ཀུན་གྱི་སྙིང་པོས་སྙིང་པོར་ཆུབ།། སེམས་ནི་རང་འབྱུང་ཡེ་ཤེས་ཀུན་དུ་སེམས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལྟ་བ་བསྒོམ་མེད་ཀྱི་ལེའུ་སྟེ་ཞེ་ལྔ
70b5 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་རྫོགས་པ་ཆེན་པོའི་དམ་ཚིག་བསྲུང་དུ་མེད་པ་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། རྫོགས་ཆེན་དམ་ཚིག་བསྲུང་དུ་མེད
70b6 བསྟན་པ།། ཀུན་བྱེད་བྱང་ཆུབ་སེམས་ཀྱི་རང་བཞིན་ནི།། མ་སྐྱེས་སྤྲོས་དང་བྲལ་བའི་རང་བཞིན་གྱིས།། སྐྱེ་བའི་ཆོ་འཕྲུལ་སྣ་ཚོགས་ཡུལ་བྱུང་ནས།། ཡུལ་དེ་རང་གི་རང་བཞིན་ཡིན་ཞེས་བྱས།། དེ་ལ་མི་རྟོག་རྟོག
iiif viewer powered by OpenSeadragon
