| e-texts navigator |
| Wylie |
6b1 གཟུགས་ཀྱི་ཁམས་སུ་བསྟན་པ་ཡིན།། ཐུགས་རྗེ་ཡེ་ཤེས་ངོ་བོ་མངོན་ཕྱུང་ནས།། བདེ་སྡུག་ལས་དེ་ཐུགས་རྗེས་ཟད་བྱའི་ཕྱིར།། འདོད་པའི་ཁམས་ནི་ཐུགས་རྗེས་ཕྱུང་བ་ཡིན།། ཞེས་གསུངས་སོ།། བྱང་ཆུབ་ཀྱི
6b2 སེམས་ཀུན་བྱེད་རྒྱལ་པོ་ལས་ཆོས་ཐམས་ཅད་ཀུན་བྱེད་རྒྱལ་པོས་བྱས་པ་ལས་ཇི་ལྟར་བྱུང་བའི་ཁུངས་བསྟན་པའི་ལེའུ་སྟེ་གསུམ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་རང
6b3 བཞིན་མཚན་གྱི་ཆོས་བཤད་པ་འདི་གསུངས་སོ།། ཀྱེ་སེམས་དཔའ་ཆེན་པོ་རྡོ་རྗེ་ཁྱོད་ཉོན་ཅིག། ང་ནི་ཡེ་ནས་རང་འབྱུང་ཡེ་ཤེས་ཏེ། ང་ནི་ཡེ་ནས་ཆོས་ཀུན་སྙིང་པོ་ཡིན།། ང་ནི་ཀུན་བྱེད་རྒྱལ་པོ་བྱང་ཆུབ
6b4 སེམས།། ང་ཡི་མཚན་འདི་སེམས་དཔའི་རྟོགས་པར་གྱིས།། ང་ཡི་མཚན་འདི་སེམས་དཔས་རྟོགས་འགྱུར་ན།། ཆོས་རྣམས་ཐམས་ཅད་མ་ལུས་རྟོགས་འགྱུར་གྱིས།། ང་ཞེས་བྱ་བའི་སྙིང་པོ་སྟེ།། ཆོས་རྣམས་ཀུན་གྱི
6b5 སྙིང་པོ་ཡིན།། རང་འབྱུང་ཞེས་ནི་བྱ་བ་ནི།། རྒྱུ་རྐྱེན་མེད་པའི་སྙིང་པོ་པས།། རྩོལ་སྒྲུབ་ཀུན་ལས་འདས་པ་ཡིན།། ཡེ་ཤེས་ཞེས་ནི་བྱ་བ་ནི།། འགག་པ་མེད་ཅིང་མ་བསྒྲིབས་པས།། ཆོས་ཀུན་མ་ལུས་སྟོན་པར
6b6 བྱེད།། ང་ནི་བྱང་ཆུབ་སེམས་ལ་བྱ།། ཡེ་ནས་བྱ་བའི་དོན་འདི་ནི།། ཐོག་མ་ཉིད་ནས་གནས་པའི་དོན།། ཆོས་ཀུན་ཞེས་ནི་བྱ་བ་ནི།། སྟོན་པ་ཀུན་ཀྱང་ཆོས་ཉིད་ལ།། བསྟན་པ་ཀུན་ཀྱང་ཆོས་ཉིད་ཡིན།། འཁོར
iiif viewer powered by OpenSeadragon
