| e-texts navigator |
| Wylie |
69b1 གིས་རང་གི་དངོས་གྲུབ་ཐོབ་པར་བསྒོམ།། དེ་ཡང་སེམས་ཀྱི་ཏིང་འཛིན་ཚེ་ཆད་འགྱུར།། རྫོགས་ཆེན་ལྟ་བ་བསྒོམ་དུ་མེད་པ་ནི།། ཀུན་བྱེད་ང་ཡི་སེམས་ཀྱི་ཡོན་ཏན་ཏེ།། བྱང་ཆུབ་སེམས་ཀྱི་ཆེ་བའི་ཡོན་ཏན
69b2 གྱིས།། བཙལ་ཞིང་བསྒྲུབས་པའི་དཀའ་བ་སྤྱད་མི་དགོས།། རྒྱུ་རྐྱེན་མེད་པས་བཙལ་བའི་ལས་མི་དགོས།། འབྲས་བུའི་རང་བཞིན་གཞན་ནས་བསྒྲུབ་མི་དགོས།། ཆོས་ཉིད་རང་ཡིན་བསྒོམ་པ་བྱ་མི་དགོས།། མ
69b3 སྐྱེས་པས་ན་འཇིག་པའི་གཉེན་པོ་མེད།། གཞན་ལ་མ་ལྟོས་བསྒོམ་གནས་ཚོལ་མི་བྱེད།། ང་ལ་གང་ཞིག་སྒོམ་པར་བྱེད་པ་དེས།། བསྒོམས་པ་ཉིད་ཀྱིས་ང་དང་ཕྲད་མི་འགྱུར།། ཆོས་ཉིད་མངོན་དུ་ཕྱུང་བ་ང་ཡིན
69b4 པས།། སྡུག་བསྔལ་མི་སྐྱེ་རྣམ་པར་སྤང་མི་དགོས།། རང་འབྱུང་ཡིན་པས་སྐྱེ་འཇིག་མེད་པའི་ཕྱིར།། མ་རིག་རྟེན་འབྲེལ་དབང་པོ་དགག་མི་དགོས།། རང་འབྱུང་རྣམ་དག་ཆོས་ཉིད་སྦྱང་མི་དགོས།། ཡེ་ནས་དག་པས
69b5 གཙང་སྦྲ་བྱ་མི་དགོས།། ཡེ་ནས་ལྷུན་གྲུབ་རྩོལ་སྒྲུབ་བྱ་མི་དགོས།། བལྟས་པས་མ་དག་པ་ཡི་ཆོས་མེད་དེ།། དེ་བཞིན་ཉིད་དང་རྣམ་སྣང་ཀུན་དུ་བཟང་།། དབང་པོ་དྲུག་ལ་སྣང་བའི་ཆོས་རྣམས་ཀྱང་།། ཡེ་ནས་དེ
69b6 ཡིན་དེ་ལས་གཞན་མ་མེད།། དེ་ལ་གང་ཞིག་བསྒོམ་དང་སྒྲུབ་བྱེད་པ།། དེ་ནི་མདོངས་པས་ནམ་མཁའ་སྙེགས་པ་འདྲ།། ང་ཡི་རང་བཞིན་སྤྱོད་ཡུལ་ཀུན་ལས་འདས།། ང་ཡིས་མངོན་དུ་ཕྱུང་བའི་ཆོས་རྣམས་ནི།།
iiif viewer powered by OpenSeadragon
