| e-texts navigator |
| Wylie |
69a1 ཇི་བཞིན་ང་ཡི་དོན་དང་འགལ།། ཀྱེ་སེམས་དཔའ་ཆེན་པོ།། ང་ལས་མངོན་དུ་ཕྱུང་བའི་ཆོས་ཉིད་དེ།། མ་བཅོས་ཇི་བཞིན་པ་ཡི་ཆོས་ཉིད་ལ།། ལོངས་སྤྱོད་རྫོགས་པས་འཁོར་ལ་ལུང་བསྟན་པ།། ཇི
69a2 བཞིན་བཅོས་པ་མེད་པར་མ་རྟོགས་ཏེ།། ཕྱི་ནང་སྣོད་བཅུད་དག་པར་བྱིན་བརླབས་ཏེ།། བྱང་ཆུབ་ཡན་ལག་ཆོ་ག་ཀུན་སྒོ་ནས།། བསྒོམ་པའི་ཡེ་ཤེས་ལྷ་ནི་སྣང་བར་བྱེད།། སྐད་ཅིག་མཆོད་ནས་གཤེགས་གསོལ
69a3 ཏིང་འཛིན་བཤིག། ཡང་བསྒོམས་ཡང་བཤིག་བྱིས་པའི་འདག་ཁང་འདྲ།། ཇི་བཞིན་མ་བཅོས་ང་ཡི་དོན་དང་འགལ།། ཀྱེ་སེམས་དཔའ་ཆེན་པོ་ཉོན་ཅིག། ང་ལས་བྱུང་བའི་སྟོན་པ་ལུང་སྟོན་གྱིས།། ང་ཡིས་བྱུང་བའི
69a4 ཆོས་ཉིད་མངོན་ཕྱུང་ལ།། ཏིང་འཛིན་མཚན་མ་ཡོད་མེད་སྒོར་ཞུགས་ནས།། ཆོས་ཉིད་གཅིག་ལ་བླང་དོར་བྱས་ནས་ནི།། ཡེ་ཤེས་དམ་ཚིག་སོ་སོར་བསྒོམས་ནས་ནི།། གྲོགས་པོ་དག་གིས་དངོས་གྲུབ་སྟེར་རེ
69a5 བ།། གཅིག་ལ་གཉིས་སུ་ལྟས་པའི་བསྒོམ་པ་ནོར།། ངོ་བོ་གཅིག་ལ་གཉིས་ཀྱིས་ཐོབ་པ་མེད།། ཀྱེ་སེམས་དཔའ་ཆེན་པོ་ཉོན་ཅིག། ང་ཡི་རང་བཞིན་མངོན་དུ་ཕྱུང་བ་ལ།། ཕུང་པོ་འབྱུང་བ་རྣམ་ཤེས་དབང
69a6 པོ་ཡུལ།། རང་རྒྱུད་དག་པ་རྡོ་རྗེ་ལྟར་བྱས་ཏེ།། བསྙེན་བསྒྲུབ་རྣམ་བཞི་ཆོ་ག་བསྒོམ་བྱས་ནས།། སེམས་ཀྱི་འཕྲོ་འདུས་འཕགས་མཆོད་འགྲོ་དོན་བྱེད།། འཕྲོ་འདུ་བསྡུས་ནས་དངོས་གྲུབ་ཐོབ་འཚལ་བས།། རང
iiif viewer powered by OpenSeadragon
