| e-texts navigator |
| Wylie |
68a1 འདུས་པའི་སྙིང་པོ་དེས།། མ་བལྟས་དུས་གསུམ་སངས་རྒྱས་ཐུགས་ཀྱང་གསལ།། མ་བསྒྲིབས་སེམས་ཅན་ཀུན་གྱི་སེམས་ཀྱང་སྣང་།། ཀྱེ་སེམས་དཔའ་ཆེན་པོ་ཉོན་ཅིག། ཀུན་བྱེད་ང་ཡིས་སེམས
68a2 ཅན་དོན་བྱས་ཟིན།། ང་ཡིས་དོན་བྱས་གཞན་གྱིས་བྱ་མི་དགོས།། གཞན་ལ་ལྟོས་པའི་ཆོས་ནི་ང་ལུང་མིན།། ང་ལ་ཀུན་རྫོགས་ཡེ་ནས་བྱས་ཟིན་རྫོགས།། ཡེ་ནས་བྱས་ཟིན་ལྟ་བ་བསྒོམ་མི་དགོས།། ཡེ་ནས་རྣམ
68a3 དག་དམ་ཚིག་སྲུང་མི་དགོས།། ཡེ་ནས་བྱང་ཆུབ་ས་ལ་ཀུན་གནས་པས།། རིག་འཛིན་ས་དང་ས་བཅུ་སྦྱང་མི་དགོས།། མ་བཙལ་ཡེ་ནས་ལྷུན་གྱིས་གྲུབ་པའི་ཕྱིར།། བཙལ་བའི་ཕྲིན་ལས་ཡེ་ནས་བྱ་མི་དགོས།། རང
68a4 འབྱུང་ཡེ་ཤེས་ཡུལ་ལ་མི་རྟོག་པས།། རིག་པའི་ཡེ་ཤེས་ཡུལ་གྱིས་བསལ་མི་དགོས།། བདེ་ཆེན་ཆོས་སྐུ་སེམས་ཀྱིས་གཅིག་པའི་ཕྱིར།། སྔ་ཕྱི་དུས་གསུམ་མེད་དེ་ཁྱད་པར་གཅིག། ཕུན་སུམ་ཚོགས་དང་དུས་གནས
68a5 ཀུན་གཅིག་དང་།། ཐམས་ཅད་གཅིག་ཕྱིར་ང་ལ་ཀུན་རྫོགས་ཏེ།། རྫོགས་པ་ཆེན་པོ་ང་ལ་ཀུན་རྫོགས་པས།། ལྟ་སྤྱོད་ཕྲིན་ལས་དམ་ཚིག་ས་ལམ་ནི།། གོང་བཤད་བཞིན་དུ་བཙལ་ཞིང་བསྒྲུབ་མི་དགོས།། དེ་ལྟར་མ
68a6 རིག་རྩོལ་སྒྲུབ་བྱས་འགྱུར་ན།། རྒྱུ་འབྲས་འདས་པའི་དོན་དང་འགལ་འགྱུར་ནས།། བྱ་མེད་བདེ་ཆེན་དེ་དང་མི་ཕྲད་དེ།། རྩོལ་སྒྲུབ་ནད་ཀྱིས་མ་རིག་དེ་ཟིན་འགྱུར།། དེ་བས་རྒྱུ་འབྲས་འདས་པའི་རྫོགས་ཆེན
iiif viewer powered by OpenSeadragon
