| e-texts navigator |
| Wylie |
67b1 མེད།། ང་ལ་བཙལ་བས་གྲུབ་པ་མེད།། ང་ལ་སྦྱངས་པས་བྱང་བ་མེད།། ང་ལ་མ་ལྟ་ཡུལ་མེད་ཀྱིས།། ང་ལ་མ་བགྲོད་ལམ་མེད་ཀྱིས།། ང་ལ་མ་སྦྱོངས་སྒྲིབ་མེད་ཀྱིས།། མི་གནས་དམིགས་པའི་ཡུལ་དང
67b2 བྲལ།། སྤྲོས་མེད་བསམ་པའི་ཡུལ་ལས་འདས།། འཛིན་པས་བརྟགས་པའི་ཆོས་རྣམས་ནི།། ང་ཡི་ངོ་བོ་བསྟན་པ་ཡིན།། དེ་ལ་སྤོང་འགེགས་སུ་བྱེད་པ།། བསྐལ་པ་གསུམ་གྱི་བར་དུ་ནི།། ཀུན་བྱེད་ང་དང་ཕྲད་མི
67b3 འགྱུར།། སྤང་བར་བྱ་བའི་ཆོས་དེ་ནི།། རང་གི་ངོ་བོ་ཡིན་པར་བཤད།། ཀྱེ་སེམས་དཔའ་ཆེན་པོ།། བྱང་ཆུབ་སེམས་ནི་ཀུན་བྱེད་རྒྱལ་པོ་སྟེ།། ཀུན་བྱེད་བྱང་ཆུབ་སེམས་ཀྱིས་བྱས་པ་ནི།། བྱང་ཆུབ་སེམས་ལས
67b4 གཞན་དུ་བྱས་པ་མེད།། བྱང་ཆུབ་སེམས་ནི་ཡེ་ནས་མ་ནོར་ཡིན།། ཡེ་ནས་ཡིན་པས་ཡེ་ནས་ནོར་བ་མེད།། ནོར་བ་མེད་ལ་བདེན་བརྫུན་སྒྲོས་མི་འདོགས།། རྒྱུ་བདེན་འབྲས་བུ་རྩོལ་སྒྲུབ་ཀུན་ལས་འདས།། བྱས
67b5 ཟིན་རྩོལ་སྒྲུབ་འདས་པ་མ་རིག་ནས།། རྩོལ་སྒྲུབ་བྱ་བྱེད་བསྒོམས་ནས་གྲུབ་ལྟ་ན།། བྱང་ཆུབ་གེགས་སུ་དེ་ལས་ཆེ་བ་མེད།། མི་གནས་མི་རྟོག་ཅིར་ཡང་དགོངས་མེད་པས།། མི་རྟོག་མཉམ་པའི་ཡུལ་ལ་རང་བཞིན
67b6 གནས།། ཡེ་ནས་བྱས་ཟིན་རྩོལ་བའི་སེམས་མི་འབྱུང་།། བདེ་ཆེན་དེ་ལ་གང་སུ་གནས་པ་ནི།། ཆོས་རྣམས་ཀུན་གྱི་སྙིང་པོར་དེ་འགྱུར་རོ།། དེ་ཡིས་བདག་གཞན་ཀུན་གྱི་དོན་མི་བྱེད།། གཅིག་འདུས་ཐམས་ཅད
iiif viewer powered by OpenSeadragon
