| e-texts navigator |
| Wylie |
67a1 ཞལ་གྱིས་བཞེས།། ང་ཡི་རང་བཞིན་འདི་ལྟར་རིག་པར་གྱིས།། སྟོན་པ་དང་ནི་བསྟན་པ་འཁོར་རྣམས་ནི།། ང་ཡི་རང་བཞིན་གསུམ་ལས་གཞན་མེད་དེ།། སྟོན་པ་རང་འབྱུང་ཡེ་ཤེས་འགག་མེད
67a2 ཡིན།། བསྟན་པ་ང་ཡི་རང་བཞིན་མ་བཅོས་ཡིན།། དེ་འཛིན་འཁོར་ནི་ང་ཡི་ངོ་བོས་འཛིན།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྟོན་པར་ཞལ་གྱིས་བཞེས་པའི་ལེའུ་སྟེ་ཞེ་གསུམ
67a3 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཉིད་ལ་བྱ་བ་མེད་པའི་དོན་འདི་གསུངས་སོ།། ཀྱེ་སེམས་དཔའ་ཆེན་པོ།། བྱ་བ་མེད་པའི་དོན་འདི་ནི།། ཀུན་བྱེད་ང་ཡི་རང་བཞིན་ཏེ།། ང་ལ་བྱ་བ
67a4 མེད་པ་ནི།། ང་ནི་ཡེ་ནས་བྱས་ཟིན་པས།། བྱ་བ་མེད་པའི་ཆོས་ཉིད་ཡིན།། ཆོས་ཉིད་ང་ཡི་རང་བཞིན་ལས།། རང་བཞིན་དེ་ལ་བྱ་རུ་མེད།། རང་བཞིན་རང་བཞིན་བྱ་བ་དེ།། བཅོས་སུ་མེད་པའི་རང་བཞིན
67a5 ཡིན།། བཅོས་མེད་བྱང་ཆུབ་དེ་ལ་ནི།། སེམས་དཔའ་རྡོ་རྗེ་ཁྱོད་མ་འཆོས།། སེམས་དཔའ་རྡོ་རྗེ་དེ་འཆོས་ན།། ཀུན་བྱེད་ང་ལ་བཅོས་པ་ཡིན།། ཇི་ལྟར་སྣང་བའི་ཆོས་རྣམས་ཀུན།། ཀུན་བྱེད་ང་ཡི་རང་བཞིན
67a6 ཡིན།། ཀྱེ་སེམས་དཔའ་ཆེན་པོ་ཁྱོད་ཉོན་ཅིག། ང་ཡི་རང་བཞིན་འགྱུར་མེད་ལ།། བསྒོམས་ན་འཆོས་ཤིང་བསྒྱུར་བ་ཡིན།། ང་ནི་ཡེ་ནས་ལྷུན་གྲུབ་ལ།། བསྒྲུབས་ན་ང་ལ་བཅོས་པ་ཡིན།། ང་ལ་བགྲོད་པས་ཕྱིན་པ
iiif viewer powered by OpenSeadragon
