| e-texts navigator |
| Wylie |
65b1 ཕྱིར།། སྐུ་གསུམ་སྟོན་པའི་མདོ་ལུང་ལས།། འཆོས་པར་བྱེད་པའི་དོན་འབྱུང་བ།། དེ་ནི་སྟོན་པ་སྐུ་གསུམ་ཡང་།། ཉིད་ཀྱི་སྟོན་པ་རང་བཞིན་སྟོན་པ་མིན།། དེ་བཞིན་འཆོས་པར་བྱེད་པ་ཡི།། སྟོན་པས་བདེན་ཚུལ་ཇི
65b2 བསྟན་ཡང་།། ངེས་ལུང་མ་ཡིན་དྲང་ལུང་ཡིན།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བཅོས་སུ་མེད་པའི་ལེའུ་སྟེ་ཞེ་གཉིས་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད
65b3 རྒྱལ་པོ་དེས་ཆོས་ཐམས་ཅད་ཀྱི་སྟོན་པ་ཉིད་ཡིན་པར་ཞལ་གྱིས་བཞེས་པ་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ང་ནི་ཆོས་རྣམས་ཀུན་གྱི་སྟོན་པ་སྟེ།། ང་ཡི་རང་བཞིན་རྣམ་པ་གསུམ
65b4 ལས་ནི།། སྟོན་པ་ཡང་ནི་རྣམ་པ་གསུམ་དུ་བསྟན།། བསྟན་པ་ཡང་ནི་རྣམ་གསུམ་ང་ཡིས་བསྟན།། དེ་འཛིན་འཁོར་ཚོགས་གསུམ་ཡང་ང་ཡིས་བསྟན།། སྟོན་པ་གསུམ་ཡང་གང་དང་གང་ཞེ་ན།། ཆོས་ཀྱི་རང་བཞིན
65b5 སྟོན་པའི་སྟོན་པ་དང་།། ཆོས་ཀྱི་ངོ་བོ་སྟོན་པའི་སྟོན་པ་དང་།། དོན་གྱི་སྒྲ་ཚིག་སྟོན་པའི་སྟོན་པའོ།། ཆོས་ཀྱི་རང་བཞིན་སྟོན་པའི་སྟོན་པ་ནི།། སྐྱེ་བ་མེད་ལས་བྱིན་གྱིས་བརླབས་ཕྱུང་སྟེ།། ཇི་ལྟར་སྣང་བའི་ཆོས
65b6 རྣམས་ཐམས་ཅད་ཀུན།། ཆོས་ཀྱི་དེ་བཞིན་ཉིད་དུ་སྟོན་པར་བྱེད།། ཆོས་ཀྱི་ངོ་བོ་སྟོན་པའི་སྟོན་པ་ནི།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། སྟོན་པ་ཉིད་ཀྱི་སྐུ་རུ་ཕྱུང་ནས་ནི།། ཆོས་ཀྱི་ངོ་བོར་དེ་ལས
iiif viewer powered by OpenSeadragon
