| e-texts navigator |
| Wylie |
64b1 སེམས།། དེས་ན་ཁམས་གསུམ་སེམས་ཅན་པ་དང་མ།། སྣང་སྲིད་སྣོད་བཅུད་ཀུན་གྱི་ངོ་བོ་ཡང་།། ང་ཡི་ངོ་བོར་བྱུང་བ་སྣང་བས།། ང་ཉིད་ཡེ་ནས་སྣང་བ་སངས་རྒྱས་ཡིན།། ང་ལ་གཉིས་མེད་གཅིག་ཏུ་འདུས་པ
64b2 ཆུ།། སྡུད་པར་བྱེད་པས་སེམས་ཉིད་ཆུ་ཡིན་ནོ།། ང་ནི་ཐམས་ཅད་མཉམ་པ་དྲོད་སྙོམས་མེ།། ཀུན་ལ་མཉམ་པར་གནས་པས་མེ་སངས་རྒྱས།། ང་ནི་ཐོགས་མེད་ཡང་ཞིང་གཡོ་བ་ཡིན།། ཐོགས་མེད་གཡོ་བས་རླུང་དུ
64b3 མངོན་སངས་རྒྱས།། ང་ནི་མ་བསྒྲིབས་ཀུན་ཁྱབ་གསལ་བའི་ཕྱིར།། ནམ་མཁའ་ཞེས་ནི་མིང་བཏགས་སངས་རྒྱས་ཡིན།། ང་ལས་མ་བྱས་པ་ཡི་སངས་རྒྱས་ནི།། འབྱུང་ཆེན་སྲིད་པས་བསྡུས་པའི་ཆོས་ལ
64b4 མེད།། འབྱུང་ལྟ་ང་ཡི་རང་བཞིན་བསྟན་པ་ནི།། གཅིག་ལ་ཉི་ཤུ་རྩ་ལྔའི་རང་བཞིན་ཚང་།། སྣང་བ་ས་ལ་སྡུད་པ་ཆུ་ཡིན་ཏེ།། མཉམ་པ་མེ་ལ་གཡོ་བ་རླུང་དུ་གསལ།། མ་བསྒྲིབས་གསལ་བས་ནམ་མཁའི་རང་བཞིན
64b5 ཏེ།། གཅིག་ལ་ཉི་ཤུ་རྩ་ལྔ་ཚང་བ་ནི།། བྱང་ཆུབ་སེམས་ཀྱི་ཆེ་བའི་ཡོན་ཏན་བསྟན།། ཆོས་ལ་གཉིས་མེད་བྱང་ཆུབ་སེམས་སུ་གཅིག། གཅིག་གིས་ཀུན་བྱས་ཀུན་བྱེད་རྒྱལ་པོས་བྱས།། ཞེས་གསུངས་སོ།། བྱང་ཆུབ
64b6 ཀྱི་སེམས་ཀུན་བྱེད་རྒྱལ་པོ་ལས་ངོ་བོ་གཅིག་པའི་ལེའུ་སྟེ་བཞི་བཅུ་ཞེ་གཅིག་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་བྱང་ཆུབ་ཀྱི་སེམས་ཁོ་ནར་སངས་རྒྱས་པ་འདི
iiif viewer powered by OpenSeadragon
