| e-texts navigator |
| Wylie |
64a1 ནི་བཅོས་སུ་མེད་པའི་དོན།། ཉིད་ནི་རང་གི་མཚན་ཉིད་བསྟན།། དེ་བཞིན་ཉིད་ལ་འཆོས་མ་བྱེད།། དེ་བཞིན་ཉིད་ལ་འཆོས་བྱེད་པ།། བྱང་ཆུབ་སེམས་ལ་སུ་འཆོས་པ།། དེས་ནི་འཁོར་བའི་སྙིང་པོ
64a2 བསྒྲུབ།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བྱང་ཆུབ་སེམས་ཀྱི་རང་བཞིན་བསྟན་པའི་ལེའུ་སྟེ་བཞི་བཅུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས
64a3 ཆོས་ཐམས་ཅད་ཀྱི་རང་བཞིན་ང་ཡིན་པ་འདི་བསྟན་ཏོ།། ཀྱེ་སེམས་དཔའ་དམ་པ་རྡོ་རྗེ་ཁྱོད།། ང་ཡི་རང་བཞིན་འདི་ལྟར་ཤེས་པར་གྱིས།། ང་ནི་སྟོན་པའི་སྒྲོན་མ་བྱང་ཆུབ་སེམས།། དུས་གསུམ་སངས་རྒྱས་ཀུན་གྱི
64a4 སྙིང་པོ་ཡིན། ཁམས་གསུམ་སེམས་ཅན་ཀུན་གྱི་ཕ་དང་མ།། སྣང་སྲིད་སྣོད་བཅུད་ཀུན་གྱི་རྒྱུ་ཡང་ཡིན།། ང་ལས་མ་བྱུང་བ་ནི་གཅིག་ཀྱང་མེད།། ང་ནི་མི་གནས་ཀུན་ཏུ་ཁྱབ་པའི་ཕྱིར།། ང་ནི་ཡེ་ནས་དུས་གསུམ
64a5 སངས་རྒྱས་ཡིན།། ང་ནི་མི་རྟོག་མཉམ་པར་གནས་པའི་ཕྱིར།། རྟོག་མེད་མཉམ་ཉིད་ཆོས་སྐུ་ཡེ་སངས་རྒྱས།། ང་ཡི་ངོ་བོ་ཀུན་དུ་ལོངས་སྤྱོད་ཕྱིར།། ང་ཉིད་ལོངས་སྤྱོད་རྫོགས་སྐུར་ཡེ་སངས་རྒྱས།། ང་ཉིད་རང
64a6 འབྱུང་ཡེ་ཤེས་སྣང་བའི་ཕྱིར།། ང་ཉིད་ཐུགས་རྗེ་སྦྲུལ་སྐུར་མངོན་སངས་རྒྱས།། དེས་ན་དུས་གསུམ་སངས་རྒྱས་ཀུན་གྱི་སྙིང་པོ་བཤད།། ང་ཡི་ཡེ་ཤེས་བྱང་ཆུབ་སེམས་སྣང་བ།། རང་འབྱུང་ཡེ་ཤེས་ལྔ་པོ་རྒྱུད་དྲུག
iiif viewer powered by OpenSeadragon
