| e-texts navigator |
| Wylie |
63b1 བྱུང་བས།། བྱིན་བརླབས་གནས་ནི་ཡིན་ཟེར་ནས།། ཕྱི་ནང་དག་པར་བྱིན་གྱིས་རློབ།། ཆོས་ཉིད་ལྔ་པོ་དག་པར་བྱེད།། རང་འབྱུང་ཡེ་ཤེས་སྣང་བ་དེ།། མི་ཚེ་བདུན་དུ་བྱིན་མི་རློབ། ཁམས་གསུམ་གནས་སུ་འཁོར
63b2 བ་ཡིན།། བྱང་ཆུབ་སེམས་ལས་བྱུང་བ་ཡི།། ཆོས་ཉིད་མངོན་དུ་ཕྱུང་བ་ཡི།། དེ་བཞིན་ཉིད་དུ་གཅིག་པ་ལས།། ཆོས་ཉིད་ཡུལ་ནི་ལྔ་སྣང་ལས།། འདོད་དང་མི་འདོད་ལྔ་འབྱུང་སྟེ།། མཐོ་རིས་ངན་སོང་རྒྱུ་ཟེར
63b3 ནས།། དེ་བཞིན་ཉིད་ལ་བླང་དོར་བྱེད།། རང་འབྱུང་ཡེ་ཤེས་སྣང་བ་དེ།། རང་གི་རྐྱེན་གྱིས་དོར་མི་བཏུབ།། མི་བཏུབ་དོར་བར་བྱེད་པས་འཁོར།། བྱང་ཆུབ་སེམས་ལས་བྱུང་བ་ཡི།། མངོན་དུ་ཕྱུང་བའི་ཆོས་ཉིད
63b4 དེ།། དེ་བཞིན་ཉིད་དུ་གཅིག་པ་ལས།། ཆོས་ཉིད་ཡུལ་ནི་ལྔ་སྣང་སྟེ།། འདོད་དང་མི་འདོད་ཡུལ་ལྔ་སྟེ།། སྐུ་གསུང་ཐུགས་སུ་ཤེས་བྱས་ནས།། སྐུ་གསུང་ཐུགས་སུ་གདོད་སྒྲུབ་བྱེད།། ཡེ་ནས་ཡིན་ལ་སྒྲུབ་བྱེད
63b5 པས།། སྒྲུབ་པ་ཉིད་ཀྱིས་འཁོར་བ་ཡིན།། ཀྱེ་སེམས་དཔའ་ཆེན་པོ་དེ་བས་ན།། བྱང་ཆུབ་སེམས་སྤངས་ཕ་རོལ་ན།། རང་འབྱུང་ཡེ་ཤེས་ཡེ་ནས་མེད།། འཁོར་བ་སྤངས་པའི་ཕ་རོལ་ན།། མྱ་ངན་འདས་ཞེས་བྱ་བ
63b6 མེད།། ཆོས་ཅན་སྤངས་པའི་ཕ་རོལ་ན།། ཆོས་ཉིད་བྱ་བ་ཡེ་ནས་མེད།། ཐམས་ཅད་དེ་བཞིན་ཉིད་དུ་གཅིག། དེ་བཞིན་ཉིད་དུ་གཅིག་པ་ལ།། དེ་བཞིན་ཉིད་ལ་བཅོས་པས་ནོར།། དེ་ནི་མ་ནོར་བ་ཡི་མིང་།། བཞིན
iiif viewer powered by OpenSeadragon
