| e-texts navigator |
| Wylie |
63a1 ཁམས་གསུམ་སེམས་ཅན་སངས་རྒྱས་ན། ཁམས་གསུམ་གནས་སུ་ཅི་སྟེ་འཁོར།། ཞེས་ཞུས་སོ།། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སླར་གསུངས་པ།། ཀྱེ་སེམས་དཔའ་ཆེན་པོ་འདི་ཉོན
63a2 ཅིག། བྱང་ཆུབ་སེམས་ལས་བྱུང་བ་ཡི།། ཇི་ལྟར་སྣང་བའི་ཆོས་རྣམས་ཀུན།། ཆོས་ཉིད་མངོན་དུ་བྱུང་བ་སྟེ།། དེ་བཞིན་ཉིད་དུ་གཅིག་པ་ཡི།། ཆོས་ཉིད་ཡུལ་ནི་ལྔ་སྣང་ལ།། འདོད་མི་འདོད་ནི་ལྔ་ལྔ་ལས།། ཉོན
63a3 མོངས་སྡུག་བསྔལ་སྐྱེ་ཟེར་ནས།། ཆོས་ཉིད་ཡུལ་ལྔ་སྤོང་བྱེད་པ།། རང་འབྱུང་ཡེ་ཤེས་སྣང་བ་དེ།། བསྐལ་པ་གསུམ་དུ་མི་སྤོང་བས། ཁམས་གསུམ་གནས་སུ་འཁོར་བ་ཡིན།། དེ་བཞིན་ཉིད་དུ་གཅིག་པ་ཡི།། ཆོས
63a4 ཉིད་ཡུལ་ནི་ལྔ་སྣང་ལ།། འདོད་དང་མི་འདོད་ལྔ་སྣང་ལ།། འཁོར་བའི་རྒྱུ་ནི་ཡིན་ཟེར་ནས།། ཆོས་ཉིད་ལྔ་པོ་འགེགས་པར་བྱེད།། རང་འབྱུང་ཡེ་ཤེས་སྣང་བ་དེ།། བསྐལ་པ་དུ་མར་མི་ཁེགས་པས། ཁམས་གསུམ
63a5 གནས་སུ་འཁོར་བ་ཡིན།། དེ་བཞིན་ཉིད་དུ་གཅིག་པ་ཡི།། ཆོས་ཉིད་ཡུལ་ནི་ལྔ་སྣང་ལ།། འདོད་དང་མི་འདོད་ལྔ་ཡུལ་བྱུང་།། ཆགས་པའི་གནས་ནི་ཡིན་ཟེར་ནས།། ཆོས་ཉིད་ལྔ་པོ་སྦྱོང་བར་བྱེད།། རང་འབྱུང་ཡེ
63a6 ཤེས་སྣང་བ་དེ།། བསྐལ་པ་ཡུན་དུ་མི་སྤྱོད་པས། ཁམས་གསུམ་གནས་སུ་འཁོར་བ་ཡིན།། ཆོས་ཉིད་མངོན་དུ་བྱུང་བ་ཡི།། དེ་བཞིན་ཉིད་དུ་གཅིག་པ་ཡི།། ཆོས་ཉིད་ཡུལ་ནི་ལྔ་སྣང་ལ།། འདོད་དང་མི་འདོད་ལྔ
iiif viewer powered by OpenSeadragon
