| e-texts navigator |
| Wylie |
62b1 པ་བཀོད།། བྱང་ཆུབ་སེམས་ནི་བགྲོད་པའི་གནས།། སེམས་ཀྱི་ས་ལ་བགྲོད་མེད་པས།། ལམ་ལ་བགྲོད་དུ་མེད་པར་བསྟན།། ཆོས་ཉིད་བྱང་ཆུབ་སེམས་ཡིན་པས།། ཆོས་ཉིད་གཞན་དུ་ལྟ་མི་བྱེད།། ཡེ་ཤེས་རང
62b2 འབྱུང་ཡེ་ཤེས་ཏེ།། ཡུལ་ལ་རྟོག་པའི་ཡེ་ཤེས་མིན།། ཀུན་བྱེད་བྱང་ཆུབ་སེམས་ང་ནི།། ལྟ་སྤྱོད་ཀུན་ལས་རྒྱལ་བ་དང་།། བྱེད་པའི་སྙིང་པོ་ཡིན་པའི་ཕྱིར།། རྒྱལ་བའི་སྙིང་པོ་ཞེས་སུ་བཤད།། ཅེས་གསུངས
62b3 སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རྒྱལ་བའི་སྙིང་པོའི་ལེའུ་སྟེ་སུམ་ཅུ་རྩ་དགུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་བྱང་ཆུབ་ཀྱི་སེམས་ཉིད་ཀྱི་རང་བཞིན་བསྟན་པ
62b4 འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། བདག་གི་བསྟན་པ་འདི་བཀོད་པས།། དུས་གསུམ་སངས་རྒྱས་ཐམས་ཅད་དང་།། རིག་འཛིན་བྱང་ཆུབ་སེམས་དཔའ་དང་། ཁམས་གསུམ་སེམས་ཅན་ཐམས
62b5 ཅད་ཀུན།། རྩོལ་དང་སྒྲུབ་པ་མ་བྱས་པར།། ཡེ་ནས་སངས་རྒྱས་ལུང་བསྟན་པས།། འཁོར་གྱི་སྟོན་པ་རྣམ་གསུམ་གྱི།། རྩོལ་སྒྲུབ་བྱེད་པའི་བརྟན་པ་གསུམ།། གོལ་ས་སྒྲིབ་པས་ཞིག་པར་འགྱུར།། ཞེས་གསུངས
62b6 སོ།། དེ་ནས་སེམས་དཔའ་རྡོ་རྗེས་སླར་ཞུས་པ།། ཀྱེ་སྟོན་པ་ཀུན་བྱེད་རྒྱལ་པོ་ལགས། ཁྱོད་ཀྱི་བསྟན་པ་བྱང་ཆུབ་སེམས།། བྱང་ཆུབ་སེམས་འདི་སངས་རྒྱས་ན། ཁམས་གསུམ་སེམས་ཅན་སངས་རྒྱས་སམ།།
iiif viewer powered by OpenSeadragon
