| e-texts navigator |
| Wylie |
62a1 ན།། རང་སེམས་སྙིང་པོ་དེ་རུ་ཕྲད། ཁམས་གསུམ་སེམས་ཅན་ཐམས་ཅད་ཀྱི།། རང་འབྱུང་ཡེ་ཤེས་བཀག་མེད་པས།། དབང་པོ་ཡུལ་ལ་རིག་གསལ་བ།། མ་བཅོས་པ་ཡི་བྱང་ཆུབ་སེམས།། དེ་ཉིད
62a2 སྙིང་པོ་ཡང་དག་བཤད།། སྣང་སྲིད་སྣོད་བཅུད་ཐམས་ཅད་ཀྱང་།། ང་ཡིས་མ་བསྐྱེད་གཅིག་ཀྱང་མེད།། ཀུན་རྒྱུ་ང་ལས་མ་བྱུང་མེད།། དེས་ན་ཀུན་གྱི་སྙིང་པོར་བཤད།། ང་ནི་ཀུན་ལས་རྒྱལ་བ་སྟེ།། སྐུ་གསུམ་ལས
62a3 ཀྱང་ང་རྒྱལ་ལ།། སངས་རྒྱས་གསུམ་ལས་ང་རྒྱལ་ལོ།། རིག་འཛིན་བྱང་ཆུབ་སེམས་དཔའ་དང་། ཁམས་གསུམ་གནས་པའི་སེམས་ཅན་དང་།། སྣང་སྲིད་སྣོད་བཅུད་ཐམས་ཅད་ཀུན།། བྱེད་པ་ང་ཡིན་ཀུན་ལས
62a4 རྒྱལ།། ཀུན་བྱེད་བྱང་ཆུབ་སེམས་ང་ཡིས།། བསྟན་པ་ཀུན་གྱི་སྔོན་རོལ་དུ།། བྱང་ཆུབ་སེམས་ཀྱི་བསྟན་པ་བཀོད།། བྱང་ཆུབ་སེམས་ཀྱི་བསྟན་པ་འདི།། ཀུན་གྱིས་དགོད་པར་མི་ནུས་ཏེ།། དེ་ཡང་ཇི་ལྟར་དགོད་ཅེ
62a5 ན། ཆོས་ལ་བྱ་རུ་མེད་པའི་ཕྱིར།། བཙལ་བ་མེད་པའི་སྒོ་ནས་འཇུག། བྱང་ཆུབ་སེམས་ལས་མེད་པའི་ཕྱིར།། བྱང་ཆུབ་སེམས་ཀྱི་ཆོས་ཉིད་ལ།། སེམས་ཀྱིས་བསྒོམ་དུ་མེད་པའི་ཕྱིར།། ལྟ་བ་བསྒོམ་དུ་མེད་པ
62a6 བཀོད།། གཟུང་འཛིན་འདས་པའི་ཆོས་ཉིད་ལ།། དམ་ཚིག་བསྲུང་དུ་མེད་པ་དགོད།། ཡེ་ནས་ལྷུན་གྱིས་གྲུབ་པས་ན།། ཕྲིན་ལས་བཙལ་དུ་མེད་པ་བཀོད།། བྱང་ཆུབ་སེམས་ལ་ཀུན་གནས་པས།། ས་ལ་སྦྱང་དུ་མེད
iiif viewer powered by OpenSeadragon
